North Korea Ramsung Ah “Squid Game” Film Ruang ah Thih-Daan Pek Thluahmah Hram Ai Thok Cang Lai

North Korea le South Korea cu uico le meheh bantuk bakin an i ral peng ko.North Korea president Kim Jong-un a sual Ning cu vawlei cung mipi nih theih dih a si.Bawi thutden a duh tuk ruangah a mah unau chungkhat tiang zong a thah ngam tu pa a si. South Korea ram hi a ral tuk caah an film tiang zong zoh a senh ti hna lo ti si.

An ramchungah South Korea film lar tukmi Squid Game movie latu le zuartu mi pakhat an tleih i thah dingin a kong ceih piak a si tiah World of Buzz News chungah an rak tar.High School hngakchia pakhat zong Squid Game film a thli in a rak cawk i USB drive he an tleih khawh caah a nunchung bak thongtla dingin a kong ceih piak a si.

High School kai liomi minung 5 hna zong hi film an rak zoh caah an theih hna i kum 5 chung rian hrang tuan ter dingin daan an rak tat cang hna.An saya /mah pawl le tuanvo ngeitu hna zong cozah nih an rian tuannak in an phuah dih hna i rian hrang an tuan ter hna ti theih a si.

North Korea cozah nih kum tling lo hngakchia a voikhatnak a hrem hmasa biknak zong a si ti theih a si.Hi kong cu biapi ngai ah a chiah i hngakchia fim cawn nak caah a chiah ter tu hna bak a si tiah a chim.Hngakchia pakhat cu a nule pa mirum tuk an si caah $3,000 in an fapa cu an tlanh khawh ti si.

Be the first to comment

Leave a Reply

Your email address will not be published.


*