NLD Mask An i Bunh Ruang ah Palik Pathum Hremnak Faktuk An Pek Hna ( Mi Then nih Cun Va Thi Hna Seh Ti he Ai Khat An Ti )

NLD flag ai tel mi Mask an i bunh ruang ah palik pathum cu cunglei nih hremnak an pek hna i an um nak an thial hna i Chin ram ,Paletwa myone ah an thial diam hna tiah kan theih .Hi kong he pehtlai in August 25 ah People Media timi nih palik bawi a si mi U Kyaw Thi Ha biahal nak an tuah i hi ti hin tha tein a chim mi a si .

“Palik kan timi cu kawlram chung i a hermi cozah rian a tuantu kan si bantuk in cunglei nih phung an kan serpiak mi le zulhawk an tuah mi poah tha tein kan zulh ding kha kan rian a si ko i a zul lo mi le phung a buarmi cu hremnak pek awk a si ko ” tiah a chim ve .

Hremnak an pekmi hna palik pathum hi a liamcia zarh ah khan Naypyidaw ah ta-wan an ciah nak in an tlun lei ah NLD party flag ai tel mi Mask an i bunh bu in hman an i thla i facebook ah an post mi ruang ah tu bantuk in hremnak an pek hna hi a si .

Hi kong he pehtlai in Mungzua NLD Centre lutlai U Aung Sin nih cun hi ti hin a chim ve . “NLD Party Flag ai telmi Mask an i bunh ruang ah tu bantuk in hremnak an pek mi hna cu a dik hrim lo . Zei ca tiah an mah nawlngeihnak tein an i bunh mi a si caah a poi nak pakhat hmanh a um lo . Hi bantuk ruang te hna i an um nak hmun tiang thial i hremnak pek hna hi cu a dik mi biaceihnak a si hrim lo ” tiah a chim ve .

Atu an thial hna nak Paletwa myone hi a tulio dirhmun ah cun kawlram chung tih a nun nak bik le rala  tam nak bik hmun a si caah , NLD Mask hman ruang ah an um nak an thial duh hna a si zong ah Paletwa peng theng te i an thial hna nak a ruang hi ral kut in harsat nak va tong hna seh ti he aa lo , hmundang tampi a um ko tiah a soisel i a lungfak mi an tampi . Source : People MEDIA

Be the first to comment

Leave a Reply

Your email address will not be published.


*