Ngeihchia tein – An nupa tein an Tar tuk cang nain Wuhan Virus zawtnak an ngei ve – Zeitluk in dah an i dawt van zoh ve hmanh uh (VIDEO)

Dawtnak taktak timi hi cu no lio caan le i dawh lio caan lawng ah a lang ding a si loh i kan tar hnu le kan chiat khat taktak lio zong ah a lang peng ding tu a rak si. Dawtnak taktak timi cu hi putar pa nih a ngeih mi bantuk tu hi a rak si.

Ai duh mi le ai daw mi paoh nih hibantuk in hin cun an i zohkhenh cio kher men lailoh. Asi nain Hi tuluk hna nupa (putar le pitar) hna karlak i dawtnak belte tu hi cu dawt nak sit kan timi phun khi a si.

Vanchiat ah a tulio i a lar taktak mi Wuhan virus nih hi putar nu le pitar nu hi a tlunh ve hna i sizung ah an chiah hna. An pa hi kum 87 a si cang i an nu hi kum 83 a si ve. An nu hi rawl zong a ei ti loh, sibawi te nih an pek len zong ah a ei duh hrimhrim ti loh.

Cu ti i rawl a ei duh bak lo tik ah, sizung i a um ve mi a pasal nih cun a donghnak ah a dawtmi a nupi cu rawl na ei lo cun thazang na ngei lailoh cuta, na ei a hau tiin a lem khawh i a ei. Sibawi te nih an pek khawh lo mi cu a pasal nih a pek khawh.

Hi video a zohmi paoh hi an ngeih a chia i an mitthli a tla cio. An vanchiat ruang ah hi virus hi an kai ve nain an langh ter mi an i dawtnak nih hin minung tampi hlawknak a pek khawh ve hna. Hi video an zoh hnu in hin dawtnak lei ah a thangcho mi tampi an um ve lai tinak a si.

Be the first to comment

Leave a Reply

Your email address will not be published.


*