Na Office Chung Bak Ah Na Ka Sualpi Tiah Biakinn Chungah Sawhchih A Tongmi Indiapolis Pastor , Zeithil Dah A cang Rak Zoh Hih

Vawleicung ah hin thuh khawh thaimi sualnak aum lo i a caan a phak cun a lang than dih ko an rak timi hi a hman taktak. USA Indianapolis i New Life Christian Church timi khrihfabu ah pastor a tuanmi pa cu kum tampi a liamcia mi caan i nungak tleirawl cung i nupa sinak a rak hman nak le a sualnakvialte cu hlim piak in a um than .Pastor pa a min cu John B.Lowe ti a si i kum 65 upa a si cang. A fale zong an puitling dih cang i nupi pasal hmanh an ngei dih ve cang hna.

Asinain kum 20 aliamcia ah khan a rak sualnak cu a tu hnu ah hin a hung lang dih thna ai.Pastor John B.Lowe nih hin an biakinn chung i thawng tha a chimnak ah a liamcia kum 20 lio ah khan nupa sualnak ah ka rak tlu tiah a chim phuan i a members pawl zongn ngeihthiam a hal hna. Asi nain cubia a chim cuahmah lio ah cun a member a si vemi kum 43 upa nu pakhat a min ah Bobi Gephart timi nu le a pasal Nate cu pulpit cunglei ah an va kal zau i an nu nih cun “pastor pa nupa sualnak ah na tluk a si lo ,

keimah ka tleirawl lio ah na office chung ah tuanglai ah na rak ka tlaihhrem tu a si deuh ” tiah mipi hmai bak ah cun a van phuan lawlaw ve diam. Culawng siloin a chim rih mi cu ” kum 20 leng bak hibia hi chimlo tein kai sum i thongtla bantuk in ka nun hi ka hmang zungzal , an chungkhar mualpho lai ka phan piak hna caah lih chin in a sualnak tu cu ka rak thuh piak zungzal” tiah a chim chap.

Cun Bobi nih cun pastor pa cu mipi le Pathian hmai bak ah asualnak cu i phuang lawlaw dingin a nor i a chim lo ah cun Pathian hmai ah ngeih thiam asi lailo nak a chim.Cu bak cun mipi zong nih cun an pastor pa cu an hmuhning a hung i dang dih i an lung awi lo ngai ngai hna. Pastor pa nih hin ” a hman ko Bobi a chim bantuk hin keimah hi sual ah sual ah ka tluk lawng hmanh siloin keimah bak nih Bobi hi kum 16 a si lio ah ka office ah ka rak tleihhrem mi a si” tiah mipi hmai ah cun a chim lawlaw ve.

Khrihfabu member vialte cu ngeihthiam a hal hna i a sualnak ruangah cun a pastor rian zongin ai dinh nak a chim chih lawlaw fawn. Indiana ah hin kum 16 cu kumtling (legal age) ah pom a si cang i pastor pa hi biaceih nak in cun a luat ve .Minung hi a dingfel ngai ko rua tiah kan rak ruah mi hna zong hi Pathian hmai ah sualnak an rak ngei cio ko rua. Asinain ka sual tiah Pathian hmai i sual i phuan nak tu nih cun Pathian thinlung a damter i sual tilo nun zong a biapi tuk fawn.