2017 Christmas hlan deuh teah thil a cangmi a si i cu thil a cangmi a thei i a hmu mi paoh cu an mitthli a tla dih i an thinlung a khoih dih hna ti a si. Cucu zeidah si tiah cun i thitumhnak kongah si. Hi thitumhnak kong hi sunglawi ngai in biakinn ah tuah a si lo i Frances Hospital tuah thil cangmi a si.
A hohmanh nih a dam lai tiah an ruah ti lomi a si i cu ti i a ruat lomi hna sin paoh ah cun khuaruahhar in ai zuam khun. Hmanthlak chung i kan hmuh bantukin nuam ngai in a um i thitumhnak mo thuam ai hrukmi hi Heather a si. A nu pi ka si ve cang tiah nuam ngai in a um i a sikhawh chung thang in a au lio a si.
Heather le david hi 2015 lioah laam an cawnnak in an rak i thei i cunak in cun an i duh. Cu hnu cun an i duh tuk cang i hohmanhnih then khawh an si ti lo. 2015 lioah khan Heather nih hin hnuk cancer a ngei ti theih a si i cu ti a dam lo ti an van theih bakin cun a dawtmi david nih cun tu i a dam lonak hi amah lawngin cun tuar ter ding cu ka siang lo lawlaw. Cu caah a dam lo ti a theih bu cun nupi caah sawm a timh colh.
Cancer zawtnak in a dam lo lio tak le ka thi la maw ka nung la hme tiah ai ruah lioah cun a dawt bikmi hmanh sisehlaw a nupi caah cun a ka sawm te lai timi cu ka ruah ngam mi a si lo tuk. Cu tin cun zaanah siizung riantuan mi pawl hna cu a nawl hna i Heather cu nupi caah cun a propose tiah theih a si. Cu tin david nih a propose hnuah cun Heather cu a zawtnak cu a zual tuk cang ti a si i David cu a nupi ding simi cancer zawtnak thlop bakin caan a hmang ti theih a si.
Cu hnu hoi ah cun Heather cu a zawtnak nih cun a thluak cu a rak thit tuk cang ti a si i a nung sau ti lai lo ti a si. Mitam deuh nih cun Heather hi October thla chung tiang zongah a dam ti lai lo tiah an zumh .A sinain Heather nih cun mi tuarchel tak nusal bak a sinak cu a langhter ve i Doctor te nih caan sau na dam ti lai lo an ti ko zongah Heather nih cun a si khawh chungin ai zuam i a thinlung der bak lo i a dawt tukmi a pasal si dingmi david kal tak ding cu zeitik hmanhah a ruat bal lo.
Heather a lung tawn ter tu bik le a duh bikmi cu a dawtmi david he an i thitumh ni bak a hmuh dingmi ding ni cu a si. Cu ti a duh bikmi cu a dawtmi David nih cun tuah piak hrimhrim cu a duh ve caah. December 30 ah an i thitumhnak ni cu a khiah piak. Asinain doctor te nih cun David sinah cun Heather hi na nu pi caah na duh tak tak ko a siah cun December 30 hlanah na i umh hau a zawtnak a zual tuk cang tiah an chimh.
Cu ruangah David chungkhat le theihhngalh nih cun December 22 ah siizungah cun thitumhnak cu an tuah piak hna. David nih cun a dawtmi Heather he an um tinak a donghnak ni bantuk a si caah a har ngaingai tiah a chim. Biakam nak cu an tuah i Heather zongnih cun a celh lo tuk bu cun nu pa biakam nak cu si khawh chungin ai zuam ve i a dongh tiang a chim khawh ve. Heather nih bia kamnak a tuah lio ah cun a maw nu nih cun mitthli he a rak zoh ve.
Bia kamnak a tuah dih i ai lomh tuk ruang i a ban te a thlirnak te cu a maw nu nih cun hman a rak thlak manh. Cu ni cu a donghnak a holhnak ni ah a cang. A maw nu zong nih cun cu ni cu Heather a donghnak ni bantuk a si caah si khawh chungin tleih kan duh tiah a chim. Cu hnu tlawmpal ah cun a thih tak hna. David nih cun ka dawt bikmi na si ko nain na ka kal tak cang. Na celh lo tuk buin na si khawh chungin nai zuam i na caah ka nung lai tiah na ka ti peng. Cu caah cun kei zong nih ka nun chung na caah nun kai zuam ve lai tiah a chim.
Leave a Reply