Na Kepi Tin Hi bantuk In A um Caan Ah Fawi Tein Damter Dan Le , Hi bantuk In A um Ti Lo Nak Hnga Rak Tuah Ve

Mitam pi nih hi bantukin kan kee pi tin nih a sawhmi hi kan tam ngai hna. Thil fa te a si nain kee tin nih sawhmi te hi a fak ngai i a tuar har ngaimi si. Tin kan riam kan ti ko nain a van sau deuh cun a tu le tu a pil than tawn i dam ngaingai ti a um kho tawn lo. Na kee pi tin a pil peng i dam thai seh ti na duh cun tu ka chimmi ning hi rak tuah hrim hrim ve.

A tuahnak ding hrangah hin phaisa dih haumi zeihmanh a um lo. A man fawimi te le a fawi tukmi in dam khawh si. Na kee pi tin a pil ah cun na kee pi tin a pilnak zawnah khan Cite na benh piak lai i tikik kha dorkhat tein na thlak piak lai. Cu tin Cite le ti dorkhat te na tuahmi kha na kee tin a chungleiah khan a lut lai i cutin nikhat ah cite kha voi 5 hrawng na benh piak lai.

 

Cutin nithum chung hrelh loten nikhat voi 5 na tuah piak lai i cu hnuah na kee tin a pilnak na vun chiami pawl kha an ral pawt(chuak) lai. Cu ti na tuah hlan i tin riamnak i nai riam i a fak tukmi kha na tuah hnu i na vun i riam tikah cun a fakmi zong zeihmanh um lai lo i na khuaruahhar lehlam lai.

Zarhkhat voikhat in rak tuah peng ve law na kee pi chungi tin pilmi kha na ngei ti lai lo i cu pinah na tin tete kha an i siamremh lai i an i dawh tuk lai. A hlei in nu simi nih cun rak tuah cio ve hna u sih .Online ah thiltha kan hmuhtheih mi tete hna hi a tak in kan tuah lawng ah a thatnak kan theihkhawh ve lai caah a tak in rak tuah ve dingin kan sawm .

Be the first to comment

Leave a Reply

Your email address will not be published.


*