Na Chungkhar Ah Zunthlum Zawtnak A Ngeimi an Um Ve Ah Cun Mah Hi Rak Tuahter Ve Hrimhrim Hna

Minung kan nunnak ah a biapi bik mi cu ngandamnak hi a si i , kan ngan a dam lo ah cun zeitluk kan rum i phaisa kan ngeih zong ah kan duhmi kan eiding kho ti lo i nunchan ngeilo bantuk ah kan cang . Cuah ah cun kan ngandam nak hi a biapi bik ah kan chiah i Pathian nih a kan pekmi kan damnak zong hi kan mah minung leikap in kan ven thiam ve zong a rak herh ngaingai mi a si fawn .

Tutan i kan rak tarlangh mi hi phaisa tampi dih in sibawi te sin ah vai i piah lo tein kan mah tein kan tuahkhawh mi an si i a har lem lo duhtak ah cun a tak in tuah i a thatnak zong mah bak nih tinvo ve khawhmi an si caah siaherhnak he kan rak langhter mi an si .Thisen sang,Zunthlum,Thacat,Lufah,Mithader,mitnih khuahmuh fianlo tbk pawl ah hin Ungti hawng hi a rak thatuk ti a si .

Hi bantuk zawtnak pawl ai ngeihmi caah cun a buaithlak ngai i a zohkhenh dan zong a harsa i eidin zong i sum a hau mi a si fawn tik ah a buaithlak ngai fawn . Hi bantuk a cunglei i kan langhter mi pawl zawtnak na ngeih a si cun ungti hawng kha ka ke in minutes 10 chung hrawng na lamh lai i cu nih cun tampi a thatter ti a si . Zunthlum ,thisen sang a ngeimi caah atha khun i ungti hawng na kezaa in na lamh tik ah na zunthlum a sangmi le na thia kaituk mi kha a ran nak in a niamter khawh colh ti a si .

Kan i ralrin ve a herhmi belte cu a um ve i Ungti hawng kha na kezaa in na lamh khawh ah khan ti na tawng colh lai lo ti a si. Tak kholh na duh a si le nai kholh hlan a tlawmbik minutes 30 tal a rauh hnu lawng ah nai kholh lai . A sullam cu ungti hawng kha na kezaa in na lamh a si ah cun minutes tal na hngah ta hnu lawng ah ti na tong lai tinak a si .

A ruang cu ungti hawng kan kezaa nih a lamh tik ah kan taksa chung i a um mi kan thahri pawl nih rian an tuan i kan thisen le kan thahri a lumsat lio ah tikik kan tongh colh than a si ah cun kan ngandamnak nih a tuarkhawh mi a si ve .

Ungti hawng na keza in na lamh tik ah dir nai harh ah cun na kut in i tlaih awk thil pakhat khat i tuaktan law , cun ungti hawng cung na dir tik ah na kezaa a fah deuh a si zong ah a ke kha puanchia zong in na mem khawh thiam i a thatnak ai khat ko . Thla (2) chung hrawng na tuah khawh ah cun zunthlum le thisensang pawl cu mah i theih tiang in a thatnak a lang bak ti a si .

Chirhchan : Ngandamnak 

Be the first to comment

Leave a Reply

Your email address will not be published.


*