Na Chantling Tang ah Khachuanrang Na Chiah ah Cun A Thatnak Na Theih Dingmi Phun (4)

Vankhawng ba hi meh kionak caah kan hman bik i a thawt ter bik tiah kan ruah. Cu lawng si loin ngan damnak ca zongah a rak tha tak tak. Cancer zawtnak tiangin a rak kham khawh i kan taksa chung i a hnawm tam mi pawl zong a thianh khawh i kan thau chiami pawl cu a tlak ter khawh tiah theih a si. Zing zaan kan ei mi ca lawng si loin thil dang dang ca zongah a rak tha taktak ve.

Vankhawng ba hi minung kan pum caah zeitluk in dah a that timi cu a thei mi zong tam pi kan um ko lai.A that venak cu zaan kan it tikah khin kan chantling tangah kan chiah lai i cu nih cun zeitluk in dah a thatnak a chuah pi timi cu kan hmuh khawh colh ko lai.Zeitluk indah zaan it tik i chantling tangah vankhawng ba chiah a that timi cu kan rak langh ter lai. Zaan kan it tikah kan chantling tangah vankhawng ba kan chiahnak nih a that termi pakhatnak cu hnarpit a dam ter tiah theih a si.

Tlangrai ruangah maw cumpi le hnarpit in na um ah cun zaan na it tikah vankhawng ba hi na chantling tangah na chiah lai i na cumpi cu a dam heim lai tiah a tuah cangmi nih a chim mi si. Vankhawng ba nih hin allicin timi kan hnar i kam thawchuahnak lampi i hngap khal mi pawl kha a nem ter caah kan hnar cu a awng zau tiah theih a si. Pahnihnak ah cun zawt fahnak phunphun hi a rak doh khawh ve tiah theih a si.

Vankawng nih hin bacteria pawl doh khawhnak thazaang a ngeih caah a tha lomi bacteria pawl cu a doh khawh. Fahnak pek dingin kan taksa chungah bacteria tha lomi pawl an luh tikah vankhawng ba chung i um mi allicin nih cu zawtnak cu a rak kham khawh. Na chan tling tangah vankhawng ba na chiah a si ah cun na mitkhuh zong a thaw lai i zingah na tho tha lai i zawtnak nih cu ti men men cun an phan kho lai lo.

Pathumnak ah cun Insect ramnung pawl a kham khawh hna. Tahchunhnak ah cep fa mi te maimomh khuai tibantuk ram nung phun phun pawl nih kan it karah hna a rak kan hnawh tawn hna. Kha bantuk pawl nih hnahnawh na duh lo a si ah cun vankhawng ba kha na chantling tangah na chiah lai i ram nung an um zongah a rim kha an caah cun thihnak sii vai bantuk bak a si caah a rim an theih cun na pawngkam ah cun an ra ngam lo hrimhrim lai rak tuah hrimhrim ve te.

Pathumnak ah cun mitkuh a thawt ter tiah theih a si. Vankhawng ba nih ai hngilh kho lomi caah hin B1 timi daat a ngeih caah zaan mit kuh a thawt ter i cu lawng si loin B6 timi daat zong ai tel caah kan thinlung le kan ruahnak zong mi a thlim khawh. Cu caah cun zaan hngilh harmi na si ah cun na chantling tangah vankhawng ba hi rak i chiah ve law mitkuh thaw tein nai hngilh kho than ko lai.

Be the first to comment

Leave a Reply

Your email address will not be published.


*