Myanmar Idol ah Pahnihnak Laksawng A ngahtu “Aye Mya Phyo” Nulepa Nih An fanu Humhim Nak caah Kum tlinglo Pa Faktuk In An Vuak (+Video)

Myanmar Idol season 4 zuamnak ah pahnih nak laksawng a hmutu Aye Myiat Phyo nulepa nih cun an fanu humhim nak caah kum tlinglo pate cu February 18,zanlei ah fakngai in kut an thlak i mipi soisel an tong ngai ngai .Ahnu ah aye Myiat Phyo nih chimfian nak tuahthan hmanh seh law mipi nih thil umtu ning an theihdih ve manh ko cang caah an chungkhar cawlcangh ning cu soisel an tong thiamthiam ko.

Aye Myiat phyo le a sianginn kaipi hawipawl cu ralkap uknak duhlonak langhter dingin hlasak an i tim hna .Cuhmun ah cun kal colh lo in AMP cu hmundang ah a rak kal hmasa i a hawile cu rak lawi rih hlah u ka hngak rih ko u tiah bia a cah ta hna .Zanlei suimilam 4 hrawng lawng ah cuka hmun cu a va phan i hlazong sa lemlo in hman ai thla len i alawi colh . Cukong cu an lak i ai tel vemi pakhat kum (17) pate Han htoo htoo timi pate nih online ah hiti hin a tar.

“Kan nih cu tuante ah kan phan i a herhmi vialte kan tuah i kan buaipi Media zong kan sawm hna .AMP tu cu a dih hnu zanlei suimilam 4 hnu lawng ah a rak chuak i hman ai thla i minung 10 hrawng a um hnu ah a lawi colh . Ralkap uknak duhlo nak langhter ding ah maw a rat ? hmanthlak duh ruang ah dek a rat ti zong theih a si lo ” tiah a tar .

Cukong cu AMP nulepa nih an theih tik ah cupa te cu biahal dingin an auh i an inn a va phak ah cun biazong hal manh lo in kut an thlak colh .AMP pa nih tanbo ai lak i a nu nih fung nganpi ai lak i cuti cun kum tlinglo pate cu kut an thlak i a tarmit zong a rawk dih .Cuti an buai cuahmah lio cu AMP nih cun letpeih in a rak zoh sawh hna i a nulepa cu a thloh fawn hna lo .AMP hi ralkap pawl nih hlasak an rak sawm i a va sa hmasa, cuhnu ah a hawile sin ah ai dawhnak men in a va kal mi a rak si ti zong theih a si than .

AMP te chungkhar video cu zohchia ngai in online ah a darh colh i a hmutu poah nih “Shame on you and your family” tiah comment an rak pek thluahmah .AMP a nu nih cun messenger hmangin AMP hro a tong ti a si i messenger an zoh tik ah cu bantuk bia pakhat hmanh a um fawn lo lih in a rak tawn sawhsawhmi tu a rak si fawn . amah AMp tu nih a call hmasa i thil sining kong ah a rak hro lehlam , a tu ah cun an chungkhar pahnih in remdaihnak an tuah than kho cang tiah theih a si .

Be the first to comment

Leave a Reply

Your email address will not be published.


*