A tulio vawlei pumpi nih ai buaipi tuk mi le mipi zong nih tih tuk mi coronavirus cu vawlei cung ram 150 ah a phan cang i kawlram he aa neih bik mi India tiang a phan cang tiah theih a si . India ram ah hin minung billion in an um i coronavirus a ngei maw ngei lo tiah an check mi hna hi 1 % hmanh an check kho lo ti a si .hi an check mi chung ah hin minung 100 reng lo zawtnak ngei mi an si cang i an check lo mi minung tuak tik ah india ram ah hin corona virus a ngei mi hi ruah nak leng in an rak tamtuk cang kho tiah ruah a si .
Vawlei cung ram thangcho hna cu an khuachung ah mi chok let hohmanh an um ti lo inn chung lawng te ah an i khumh lio ah India ram ah cun khuachung ah minung kianh cawk lo in aa chawk let mi an um rih mi hmuh tik ah corona virus hi India ram ah hin minung tam taktak sin ah a kai lai i an i chawnh te lai tiah mithiam pawl nih an tuak ning a si .India ram he aa neih bik mi Kawlram ca zong ah thinphang ngai a si cang caah India le Kawlram pehtleih nak International Boundary a si mi Tio gate Rihkhawdar ah mi lut chuak vialte corona virus ngei an si le si lo tha tein check nak an tuah cang tiah theih a si .
Mizoram (India) le Kawlram in innpa te kan si bantuk in mizoram lei luh nak in lam tampi a um i cu vialte (state boandary ) cu India cozah nih a phih dih cang i international boundary lawng a onh cang .India le Kawlram pehtleih nak lampi a si mi Rihkhawdar Tio GATE ah hin sii lei a thiam mi Nurse le Doctor te tiang nih an duty cang i mizoram lei in a rak lut mi poah an check ta dih hnu ah zawtnak a ngei lo ti an fian mi lawng kawlram chung ah an luh ter hna .Tio gate i a check tu Nurse a si mi Lamremsiami nih a chim ning ah cun ni 9 chung ah minung 841 kan check cang hna i a hohmanh corona virus a ngei mi kan hmu hraw rih hna lo tiah a chim .
Tio gate lawng si lo in Tuluk ram i riantuan mi a rak tlung mi poah poah ramri ah an check dih hna ti theih a si fawn .a tu tiang ah cun kawlram chung ah corona virus a ngei tiah theih mi an um rih lo i lunglomh awk ngaingai a si . a si nain hna ngam in um lo in i ralrin tluk a tha mi a um lo ti theih bu he fimkhur le ralring tein um i zuam cio hna u sih tiah ngandam nak lei rian tlai tu upa pakhat sin in kan theih fawn . Corona zawtnak lak in na him khawh nak hnga Pathian kha i bochan law nangmah le na chungkhar kha ralring tein hum him khawh rak i zuam ve .
Leave a Reply