Mizoram CM Pu Zoramthanga nih India Prime Minister ‘Narendra Modi’ Aton i Chin Ralzam Kong Hitihin An i Ceih Cang

Mizoram CM Pu Zoramthanga nih cunmyanmar  ralzaam kong he pehtlaiin voi tampi ca a rak kuat cangmi India PM Narendra Modi cu november 30 ah hmaitonh bak in tonnak le biaruahnak a ngeih i , Mizoram kong tampi a chimhruah pinah Mizoram i ai dormi myanmar ralzam pawl ah bomhnak a hal fawn tiah kan theih.India cozah nih hin kawlram buaihram aithok kate khan India ram state kip(northeast state)pawl cu kawlram lei in a rak zaammi ralzaam pawl rak cohlang lo dingin nawl apek dih hna.

Zoramthanga to be sworn in as Mizoram CM on Saturday - Rediff.com India News

Asinain,Mizoram nih cun kawlram ralzam pawl cu kanmah unau bak pei an si cu tiah anmah nawl te bakin kawlram lei ralzam vialte cu an rak cohlan hna i an rak cawm hna i bomhnak an rak pek thluahmah ve hna.Hikong he pehtlai in Mizoram cozah nih cun India cozah pi cu bomhnak zong a hal lengmang nain kawl ralkap hawikomtha a simi India cozah pi nih cun zeihmanh tlam a tlinhpiak hlei hna lo.

Asinain,Mizoram ah kawlram ralzam pawl tampi an lut cang ti an theihko buin dawichuak ding cun nawl a pe ve hlei ti hna lo .Chin ralzam pawl kong he pehtlai in Mizoram asimi CM Pu Zoramthanga nih cun hmaitonh in India PM Modi sin ah cun” Kan nih Mizoram nih cun kan unau a simi Chin ralzam pawl hi kan rak cohlan dih hna i kan rak cawm hna.

Narendra Modi - YouTube

Zeica tiah kanmah unau bak an si i kan pupa chan in unau taktak kan si hna caah kan unau hna hi kawlram lei ah kan kirter kho hrim hna lo.Hikong he pehtlai in dawtnak thinlung te he India cozah zongnih bomhnak pek ve dingin kan hal duh” tiah a chimh.Tutan PM Modi aton mi hi a hlawhtling lai maw timi cu theih a si rih lo nain,Chin ralzam cabak i India cozah PM Modi a tonmi hrimhrim hi upat awk a tlak taktak.

Tweets with replies by Zoramthanga (@ZoramthangaCM) / Twitter

Mizoram ah hin atu dirhmun ah Chin ralzam minung 10000 lengkai an um cang i Mizoram cozah nih cun an sikhawh chungin an rak cohlan hna i an rak bomh hna i ralzam buaipitu phu tiang an ser.Atu bantuk in Mizoram kan unau hna nih kanmah Chin mi ralzam pawl kan caah biatak tein an kan buaipi mi le kan caah an i zuam nak vialte hi kan tuanbia ah philh khawh a si ti lai lo .

Be the first to comment

Leave a Reply

Your email address will not be published.


*