Mizoram Chung Thil Cangmi Tihnung Taktak A Si , Khuachung Lei Panh In An Vak Thluahmah Ti A Si Ko Hih (+Video)

Atu kan hmuh mi video hi September/28/2022 ah lakmi a si i ,Mizoram East Lungdar ramchung ah lakmi a si.East Lungdar ram ah hin hruaizau ram an timi a um i , cu lampi cungah lakmi a si. Lampi cung ah cun atu kan hmuh bantuk hin ‘kutcangrel’ timi (Mizo holh cun ‘kitaminu) timi cu an rak vak thluahmah i hibantuk thil hi khuaruahhar ngai a si ko. Hitluk lawmmam tam hi cu nan hmu cio theng lem lailo tiah video latupa nih hin a video lakmi cu social media ah a post i mi tampi an khuaruah a har i an lau cio.

Atulio Mizoram,Tyuicangral timi khua thenkhat ah cun ‘kutcangrel’hi a puang tuk ti a si i tihnung ngai zong asi tiah an chim.Atu video kan hmuh mi zong hi anmah vah in an vak sawhsawh lo i an zapi te hin hmunkhat te ah lam pakhat an zawh i,cuticun khuachung lei  panh bak in anningpi in an  vak thluah mah ti a si. Mi thenkhat na chimning ah cun ‘hi bantuk ramnung hi an karh a rang tuk i khi zat nih khin fa an van ngeih cio lai i a let tamtuk in a karh colh ding an si caah minung khuasak nak zongah hna hnawk le tihnung an si kho titiang in an chim.

Cucaah dat-si toih hna i mei in khangh dih ding an si ko tiah a chimmi zong tampi an um ve. Mizoram ah hin hibantuk thil hi a cang duh ngai i , naite zongah khan khua pakhat ah zaanlai pi ah an innchung ah phihlik khat lak in an rak lut i minung umnak hmanh thalo i an inn khat bak an um tikah , an in cu an chuahtak i an innpa inn ah an zaam tiah thawng kan theih bal cang fawn.Tutan ah hibantuk thil a hung um than tik ah hin upa lungfim deuh nih cun sullam pakhat khat a ngei khomi a si an ti caah an sia a remlo ngai ngai.

Hlan chan kan pupa hna nih cun thil phundang deuh a hung um tikah chiatnak fakpi a tlung tawn an ti caah raithawinak tiang an rak tuah bal ti a si. Asinain atu zumtu kan chan ah cun cubantuk tiang tiang cu ruah awk a si lemlo nain,tutan Mizoram thil a cangmi cu ramnung lei thiamsang pawl tiang an khuaruah a har dih ve ko hih. Atanglei ah video in zoh ve hmanh .

Be the first to comment

Leave a Reply

Your email address will not be published.


*