Dawtnak Phun dang Ruahning Phun Dang: FB Online chung ah mawhchiatnak dang zaangfahnak dang.. aa cawhtthup mi cung ah Tinaa Nu thil tuahmi: “Pa Hu nihin ah Pi Ni Zi kong an postmi ka rel i ka zaangfak tuk i Kyats – 100,000/- te, in kua ning law na va ka pek piak kho hnga maw” tiah a ka ti. “Ka pek khawh lai” tiah ka leh.
Nihin cu Pi Ni Zi cu a inn ah ka va ton. Thil sining le a ngaihchiatnak tampi a ka chimh. “Pathian he kaa naih chinnak ah cang ko seh law..Chinosi Mino Bu nih an tuah awk a si ko. An cung ah lungfah hleinak ka ngei lo. Hmailei caan ah keimah siseh, midang zong si hna seh nun ziadawh tu in kan nunnak hnga ah lam hruaitu tha a si lei ko lai e” tiah a ka chimh.
Thla camnak ka ngeih piak hnu ah Kyast- 100,000/- hi kan cohlan piak sawh tiah ka nawl ii a ka hlaan. Pathian sin ah aa lawmhnak le Tinaa Nu sin ah aa lawmhnak a phuan dih in ka ttin tthan. Mi zeipoah kan lungthin putning cio hoih in Pathian nih thluachuah kan pe cio ko seh..Amen.. Credit-Cung Hu
Pi Ni Zing hi Hakha khuachung ah laithil zuar in aa chawk tawn mi a si i mi umlo kar ah mi innchung ah a lut i an thingkuang a boah laipuan le laihni a lak an ti caah mi inn a luhnak sang Chin Oo Sii sang mino hna nih an rak tlaih i facebook ah mipi i ralrin cio dingin thawngthanh an tuah i a hmanthlak tiang an tar piak .
Mi tampi nih an soisel i heh tiah an thangchiat lio le a mah zong ningzak mi hmaikhap lo in a um lio ah a caah Samaria mitha an chuak than . Minung hi kan nunning kan khuasak ning nih a pek lo tuk ah cun kan duhlo tuk mi fir duhnak thinlung tiang a ngeikho ciomi kan si .
Pi Ni Zing zong hitluk mualpho le ningzah nak a tuatlio ah a sinak theihthiam in zangfahnak thinlung le dawtnak tjhinlung te he phaisa ting 1 a kua tu le a va petu Tinaa nu le Pu Cung Hu cung ah Bawipa thluachuah um ko seh .
Leave a Reply