Mikawltu Pawl Nih Minung (7) Ruak An Char i An Ruak An Zohtik Ah Khuaruahhar A Si Ko (+Video)

July 27 ah Sagaing ramthen Kani peng Zipyindwin khuami pawl nih khuapawng kamah miruak pa 7 an char.July 26 zaanah Zipyindwin khua pawngah PDF le SAC ralkap pawl cu an i do i PDF cheukhat le SAC ralkap cheukhat hna cu a tlau mi an um caah khuami pawl nih cun an kawl hna caah miruak 7 zong an va hmuhnak cu a si.Ruak pa 4 hna cu khur puan tein ai comi ah phum an si hna i kan hlai hna hnuah kan chuah hna.

A lengah phum loin ruak 3 an hmuh chap i an za tein ruak 7 an si.A leng i kan hmuh mi ruak khat hna cu thingkung ah hri in a rak i thlai.A dang pahnih hna cu vawlei roah kan hmuh hna tiah mitlau kawl i ai telmi mi pakhat nih cun a chim.Mithi ruak an hmuhnak hmun cu ai khat lo nain an taksa i hmape kan hmuhmi hna cu an i khat dih.Fak ngaiin hrem tuk hnuah a thimi hi an lo tiah khuami hna nih cun an chim.Mi ruak pakhat hna cu a mit pahnih ningin a um lo.

No description available.

A dang pawl cu meithal kawngin tuknak bantuk hmape an pu hna.An taksa dang pawl zongah hmepe an um len hna.Khur chung i kan chuahmi hna tu cu meithal in kahnak hliamhma an pu.Mi ruak pakhat cu a kut an tem i a mitkhat lei a um lo tiah khuami pakhat nih cun a chim.Khua mi pawl nih cun miruak umnak khurkhat lawng an hlai i vawlei umning an zoh tikah khur pa 5 hrawng cu a um an zumh.

Cu khur 5 hna an hlai tikah cun miruak ai chap kho mi zong a si tiah an zumh.Kani khuami pakhat nih cun khur 5 hna ah cun miruak zong um khawh a si pinah vawlei i phummi bomb zong a um kho ti an zumh caah an hlai ngam rih lo tiah a chim.Miruak pa 7 hna cu PDF lei khuami an hawlmi hna ruak cu an si hna tiah konglam thei fiangtu sin in theih a si i an ruak hna cu July 27 ah tha tein kan vui hna tiah a rak chim.

Be the first to comment

Leave a Reply

Your email address will not be published.


*