May 30 ,2020 : Kawlram Ah India In A Rak Tlungmi Lakin COVID-19 Zawtnak A Ngeimi Minung (17) An Hmuh Than Hna

Myanmar ngandamnak zung nih cun May 30 zing ah thawngthanhnak an tuah i Myanmar ah Covid -19 zawtnak a ngeimi minung 17 an um than i an zapi tein India ram in a rak tlung mi an si tiah kan theih .India in Yangon ah a raktlung mi hna telh chih in minung 1,214 cu covid-19 checknak an tuah hna i cu chung ah minung 17 nih zawtnak an ngei i hi zawtnak a ngeimi minung 17 hi an za tein india lei in a raktlung mi an si . Yangon an phak bak in cozah nih tawlrel ciami hmun ah khumh colh an si ko caah mipi caah zeihmanh tihphan awk a um lo tiah nawingei tu lei nih cun an chim .

Myanmar reports first cases of coronavirus - Reuters

India ram in a raktlung mi kan miphun hawi hna hi ramri Tio le Zokhawthar lei in a tlungmi si lo in cozah nih an ti ning tein cunglei in Delhi le Chennai in Yangon ah direct in a raktlung mi an si hna .Myanmar cozah nih a minung a si mi New Delhi le Chennai kiangkap i a um mi pawl cu May 19 le 25 ah an mah cozah tawlrel nak in a rak phurh hna i a hmasa ah minung 95 , a hnu deuh ah minung 123 a ram ah a tlunter hna .

Myanmar confirms first two coronavirus cases, SE Asia News & Top ...

May 30 zinglei tiang ah hin Myanmar ramchung ah covid-19 zawtnak a ngeimi an zaten minung 224 an si i minung 6 an thi cang i a dam than mi hi minung 130 an si . tulio i an thlopbul cuahmah mi pawl hi minung 88 an si India lei in a raktlung mi zawtnak a ngeimi minung 17 pawl zong Yangon S.Okkala Sizung le Waibagi Sizung ah zohkhenh colh an si ve.India lei in a raktlung mi lak ah zawtnak ngei mi hi minung 21 an si cang i Malaysia lei in a raktlung mi lak in minung 12 ,UAE ram lei in a tlungmi sin in minung 8 le Italy lei in a raktlung mi sin in minung pakhat sin ah Covid-19 zawtnak hmuh a si cang .

Myanmar suspends Chinese visas on arrival in wake of coronavirus ...

 

Myanmar Now

Be the first to comment

Leave a Reply

Your email address will not be published.


*