Mask Ai Bunh Duh Lo Ruang ah Police Nih An Sik i , Police Pawl Nam in A Tuk Hna Hnu Ah Thawchuah Kho lo in A Mah Tu A Nunnak A Liam

April 20 aha cang mi thil a si i Mask i bunh lo in khuachung ah a vak mi ” Aung Kyaw Myint” cu Police pawl nih zeiruang ah dah Mask i bunh lo in na vah ko Mask i bunh cang tiah an sik i an cawn piak . Police pawl nih Mask i bunh cang tiah an sik i an cawnpiak mi cu a rem lo i a thinhun tein a inn ah a va kir i nam saupi a va lak i Police pawl cu nam i tuk dingin a dawi hna i Police pakhat cu nam in a tuk manh . Aung Kyaw Myint hi mi thintawi le mi cawnpiak nak a rem lo ngai mi a si fawn.

Police pa nam in a tuk khawh bak in a zam colh nain Police pawl nih tleih dingin an dawi colh ve i Mingalar Kun khua pawng ah an va tleih khawh . Police pawl nih an tleih khawh hnu ah cun ” Aung Kyaw Myint” cu a thawh a pit i a thawchuah a that ti lo caah Mungzua sizung ah an tlik pi colh ve . Mungzua sizung an phak pi hi zanlei nazi 1:00 Pm hrawng a si i sizung an phak hnu zanlei nazi 3:55Pm ah Police nam in a sat tu “Aung Kyaw Myint” cu thawchuah kho ti lo in Mungzua sizung ah cun a nun nak a liam colh tiah sizung lei tuanvo ngeitu sin in thawng theih a si .

Aung Kyaw Myint hi a hlan tein a mah hi a ram dam pah lo pengmi a si tiah Mungzua mipi nih cun an chim . mi thenkhat nih cun Aung Kyaw Myint a thih nak hi a mah a dam lo nak ruang ah si lo in Police nam in a tuk ruang ah Police nih kut an thlak nak ruang ah a thih hi a si bik lai thil sining taktak le a hman mi biadik cu a rauh hlan ah a langh hrim hrim awk a si tiah an duh lo nak an langhter ve .Aung Kyaw Myint nih nam in a tuk mi Police pa cu a hma a fak tuk lo i a nun nak caah tih nung a si lem lo tiah theih a si .

Ref : Mungzua Gazette

Be the first to comment

Leave a Reply

Your email address will not be published.


*