March 31 Thawngpang || Kalaymyo ah ralkap bawi minung (4) bak mipi nih an tlaih hna tiah theih a si . Hi minung 4 ralkap bawipawl hi mipi lamzawhtu hna camp ah a thli te zong silo in raltha ngai in civil thuam i hruk in an va lut ve i mipi nih an rak theih hna caah an tlaihmi hna an si .Mipi lamzawhtu camp i an va luh ah hin mipi nih rak thei kho hna hlah sehlaw zeidek kan lawh hnga ?
Hi an tlaihmi hna ralkap bawi minung (4) hi sinak sang a ngeimi lawngte an si hna i ralkap lubo pawl sin ah mipi kap hna u tiah order a chuah tawn kho tu ralkap lutlai bak an si hna.An (4) te in raltha ngai in mipi nih a kan thei kho lem lailo tiah civil thuam te in motor an rak i mongh i Kalaymyo “Pin-mah Ta-paih” (lamzawhtu pawl nih camp ah an i ser nak hmun) ah cun an rak lut huar ko.
Mipi lei hruaitu hna nih an rak hmuh hna tik ah ralkap uico bawipawl an si ti kha fiangtuk in an theih hna caah an tlaih colh mi hna an si .Atu hi mipi kut ah an um lio a si i , an kut ah hri in an hren hna i zeitin dah kan tuah hna lai timi cu hruaitu lei nih a thabik in i ceihkhan nak an ngeih hna hnu ah a fiang te ding a si .
An tlaihmi hna an min cu , Ko Min, Thein Naing , Nanda Min, Phyo thi Ha hna an si i an zapi te hin police bawi le ralkap bawi lutlai an si dih tiah theih a si . An konglam hi social media ah langhter lo in direct bak in a thli tein thah colh ding an si ko tiah a chim ceihmi zong an tam ngai .Asinain hruaitu kan ngei ve i hruaitu pawl nih a thabik in an konglam cu an ceihkhan ti ding ah chia phawt ko u sih .Credit : DVB
Leave a Reply