Minung 100 hrawng nih cun an phone an i chuah i Taipei luxury hotel a dot 10 nak ah nupa sinak a hmang lio mi hna pahnih cu video an lak hna tiah an chim . Nungak tlangval pahnih hna cu Taipei Hotel a dot 10 nak ah an riak i nupa sinak an hmang . Cu nupa sinak an hman cuahmah lio ah an riahnak hotel tanglei ah biaknak lei phung a rak hmang cuahmah vemi hna mibu an um ve.
Cu mibu pawl nih cun an biaknak phung an hman lio a si nain cunglei i hotel dot 10 nak i nupa sinak a hmang cuahmah mi hna cu thlalangawng in an hmuh hna i an phone in minung 100 hrawng nih video an rak lak chih ve hna .Hotel tang i biaknak lei phung a hmang mi hna hi Qingshan Palace kum 165 tlin nak a lawm mi an si.
Vanchiat ah nupa sinak an hman cuahmah lio ah an tlunnak hotel tang hi an rak phak lio celngel he ai ton caah tu bantuk in an mual a phonak hi a si .Cu mibu lak i aum vemi pakhat nih cun hi hna pahnih nih hin pathian tihzahnak zong an ngei lai lo hi hmun hi an thianhlim terlo tiah a chim ve .Hi mibu lak mi thenkhat nih cun Meng Jia,Luxury hotel cung i nupa sinak a hmang cuahmah mi hna pahnih hi palik sin tiang report nak an tuah hna tiah theih a si fawn .
Palik pawl nih cun hotel cung i nupa sinak a hmang mi hna zong hi lenglei tiang in hmuhkhawh dingin an cawlcangh caah dan-tat nak pek dingin hlat hlai nak an tuah hna i , culawng silo in nupa sinak an hman lio i video a la tu pawl vialte zongn social media ah nan pholangh ah cun phung ningn lo in nupa sinak video social media ah nan pholangh ti in case siampiak i hremnak pek nan si ve lai tiah an kham ve fawn hna .
Mibu pawl hi Tshing Shan Festival ah ,Qingshan Palace’s temple deity Qingshanwang chuahcam a lawm mi an si hna .Assiciation deputy secretary-general Lee Hou-Ching nih cun an puai lomhmi hi zawtnak thalo le thlarau thalo tthawlnak ca le a hlei in Covid-19 zawtnak a karh lio ah hin a tha khun tiah a chim ve . Source : Dailymail
Leave a Reply