Lung A Hmui Kho Taktak cang || Mipi nih Palik Bawipa Mei in Ciamdih In an Khangh Mai Ve Cang

Mandalay Aung Myay Thar San Min Tae Ekin Vengchungah palik bawi pakhat mei in an khanghmi a ruakin an hmuh. Palik bawi cu Min Tae Ekin veng ah a kal i a tlau colh a konglam zeihmanh theih ding a um ti lo. March ni 29 ah mipi nih palik bawi cu meiin an khangh an thah timi thawngpang theih a si.

Mipi nih an khang timi thawngpang an theih bak cun ralkap le palik pawl cu an veng chungah cun an lut ciammam i an hmuhmi hna paoh mipi cu an kah hna i an tleih hna. An veng chung i pa cheukhat cu hmun dangah a zam mi zong an um i a zam mi hna zong cu an kawl hna i a cheu cu an tleih hna.Ralkap hotu a simi pakhat nih cun mipi nih maw an thah zeitin dah a thih ning a si cu kan thei fiang rih lo tiah a chim.

March ni 27 zaan ah hi ka veng chung i a um mi upa (kum40) a simi pa Ko Aye Ko cu ralkap le palik nih a nung na bu bak in an rak khangh. Mei in an khanghmi Ko Aye Ko cu an khua zohkhenh tu a si. Ko Aye Ko cu ralkap pawl nih meithal in an kah i a zam khawh ti lo caah an tleih i cu hnuah mei in a nung na bu bakin an khangh hi a si.