Lo An kal nak ah Zilpum Cung ah A Tluk Sual Ruang ah Sizung A Phan mi Nu Nih A Thilton A Chim mi Khuaruah har

A taksa chung ah Zilpum a tang i awlokchong in a um caah sizung ah a ran nak an tlikpi mi nu kong cu a tulio kawl media ah a hung lar ngai mi Hot News pakhat ah a hung cang .Kum 51 nutung pakhat cu ka pawfak tuk tiah ai ceih lengmang i a pawfah nak a zawn le chim kho tung lo a fahnak a ruang le chim ngam lo bantuk in a um peng i a fah le a celh ti lo tik ah a ruah awk an thei ti lo i an innpa pawl nih sizung ah a ran nak in an kalpi.

Sizung an phak cun ai sum kho ti lo i ka paw si lo in ka tanglei hi a fahnak cu a si tiah a chim tik ah doctor te le Nurse pawl nih cun an thiam ning ning in a tanglei cu zohfel nak an van ngei colh .A tanglei an zoh tik ah cun zilpum a chung ah a rak tangmi kha an hmuh tik ah a rak nak in an chuah piak .

Doctor te le Nurse pawl sin ah cun zei ti chim awk a thiam ve lo i , lo kan kal nak ah rulpum cung ah ka nal i ka tluk nak in tu bantuk in zilpum hi ka taksa chung ah a luh nak a si tiah a chim i doctor te zong nih theihthiam nak kaupi he a si tak aw tiah lungtling ngai bantuk in a bia cu an ngeih piak .Hi thawngpang hi online chung ah a hung lar ngai i mi tampi nih capo nak ah an hman phah .

Be the first to comment

Leave a Reply

Your email address will not be published.


*