Vawlei a thangcho chin lengmang i Lam that le Motor that an i zuam cuahmah hna lio ah Netherlands,Giethoorn khua ah cun lam zong a um lo i motor pakhat zong an khuachung ah a um lo tiah theih a si .Lampi ai ah ti an hman i motor ai ah tilawng an hman ve . lengchuah an duh can le vah an duh can ah cun tilawng an i cit i inn khat le inn khat kar lak te ca lawng ah ke kal nak a um ti a si .
Tilawng mongh nak ding zong ah Diesel an hmang lo i Electric thazang in an mongh . Diesel hman cu boruak a thiang hlim lo an ti .hi khua hi 1230 kum ah thlanglei ralzaam pawl nih an rak dirh mi khua a si .
hi khua hi a hmasa ah cun ralzaam pawl nih ral an tih ruang ah vawlei kha an rak khuarh cio i cu pawl cu a hnu ah tiva ah an cang . a hlan ah cun an khuachung inn hi ngai dii inn lawngte a rak si nain tu ah cun an khua a thangcho ve cang i ngai dii inn hmuh ding a um ti lo tiva le inn dawh dawh in a khat cang .hi khuate ah hin inn 1,100 an um i minung 2,400 hrawng an khuasa . an khua ah hin a hohmanh motor ngei an um lo i an herh nak zong a um fawn lo .
Nikhat ah lawng 500/600 hrawng hi aa chok vak peng ve i palik le meihmit pawl zong lawng in an i choklet ti a si .1960 kum ah Dutch Film i Director a si mi “Bert Haanstra” cu hi Giethoorn khua ah hin a rak tlawng i an khuasak ning a hmuh tik ah a khuaruah a har i video zong a rak lak i cu thok cun vawlei cung minthang tampi zong nih an hun theih chin lengmang ve i tu ah cun vawlei cung minthang khuate ah aa chuah cang i khual zong an dong ti lo tiah theih a si fawn .
Dailymail
Leave a Reply