Laitlang Khuate Phaisa Ngeilo Zong “Arkhong ” Pakhat nih Kan Nunnak A Venhim Khawh Ve Cang Lai

Laimi pawl arkhawng pakhat nih kan nunnak a humhim khawh ve cang lai tiah thawngtheih a si .Asullam cu a tulio vawleipi nih a tihtuk mi Covid-19 zawtnak hrik a that khotu sii cu Oxford-Astrazernerca Company nih an siam khawh cang . Asinain a man a tamtuk lai caah kawlram ah cun hman khawh colh a si lailo i thla zeimaw zat chung cu a rau rih lai.

A  phak hnu hmanh ah a man a tam tuk lai i zapi nih kan hmang kho lai lo tiah chim ceih cio a si .Asinain thawngpang thar pakhat a chuak than mi cu hi covid-19 zawtnak a damh khotu sii hi phaisa tam pi in zuar a si lai lo i US Dollar in $3 te lawng a si lai , kawlram phaisa cun Ks.4000 in Ks.8000 karlak te lawng a si lai tiah theih a si than .

Asullam cu laimi mi sifak bik a simi zong nih phaisa kan ngeih lo hmanh ah kan inn tang i arkhawng pakhat kan i zuat a si ko ah cun hi sii cawknak caah hin thinphan ding a si tilo tinak a si .England ram nih cun Asrazerneca Virus thatnak sii cu hlum million 100 an i cawk cang i emergency hman ding ah million 3 cu an chuah cang .

Laimi Pawl Ar Cang Pakhat In Kan Nunnak A Kil-ven Thlang Ding..

Hi sii hi Friza chung zong ah chiahkhawh a si i thlakhat dan ah voi 1 i chunh ding a si .Hi sii hi minung 24000 sin ah an chunh cang hna i an taksa ah zeihmanh tih nung mi a chuahpi lo caah hman awk tlak sii a si tiah vawlei pumpi nih a cohlan cang tiah theih a si fawn. Hi sii nai chunh a si ah cun Covid-19 zawtnak nih an kai hnawh kho lailo i i kham nak caah a thabik a si .

Hi sii hi kawlram zong ah a ran nak in ngah khawh an i zuam ve i December thla chung ah cun zapi nih hman khawh a si cang lai tiah theih a si .Oxford University i sii lei thiamsang asimi Dr.Polis nih cun “Mipi nih damnak an hmuh cang lai i vawlei pumpi hi a hlan bantuk in kan nung kho than cang lai , December thla dih lei in cun ramkip ah hman khawh a si cang lai ” tiah a chim .

Source : BBC

Be the first to comment

Leave a Reply

Your email address will not be published.


*