Laitlang In Mizoram Ah Hklasak A Vai Zuam Vemi Kan Lai Tlangval Pakhat nih ‘Host’ Nu Faktuk In A Ttah Ter i Mithli Tla In A Tuah (+Video)

Tutan video kan chiahmi na zoh ah cun khua fakpin an ruahter lai i na mitthli a tla ve ko lai tiah zumhnak ka ngei. Hi video te hi atulio Mizoram Social media ah zapi thinlung a tongh tuk i a zohtu poah cu an ngeihchia i an mitthli a tla ve cio. Kan ram buainak ruangah hitluk in hmunkip ah kan zaam hna i tutan Mizoram hlasak zuamnak i a vai i zuam vemi kan unau a simi Freddy (Falam) zong a vai i zuam ve.

Hi hlasak zuamnak hi Zofa Lelte tiah min bunh a si i tukum hi a voihnihnak an tuahnak a si. Nikum ah an rak tuah cang nain tukum bantuk in an rak tuah lo. Nikum ah cun mizoram chung lawng a si i tukum belte cu Mizoram chung lawng siloin kawlram lei Laimi zongn sawm chih dih an si i Manipur lei tiang in sawm dih an si.

Tutan i a rak i zuam mi zong hi kanmah laimi a si i amin cu Freddy a si i Falam khua ah khua a sami a si. Atu hi second round a tling ve cang i , second round a sak khawh ah host nu nih interview a tuahnak ah bia hmanh chim kholo in tubantuk in a mitthli a tlak nak a si. Kan ram buainak kong a chim i ai sum kho baklo i host nu tiang zong ai sum kholo i an mitthli a tla veve.

Hmundang dang i a ummi kan lai unau zapi tein tutan Zofa lelte 2022 hlasak zuamnak ah ai telmi kan laimi vialte hi thazang rak pe cio hna usih ti zong kan van in sawm duh chih fawn hna. Tutan hlasak zuamnak hi laksawng zong a tam i mizoram hlasak zuamnak ah cun laksawng a tambik a si. Kanmah laimi ai zuammi chungin winner ngah hram dingin thlacamnak zongin bawm cio hna u sih.

Be the first to comment

Leave a Reply

Your email address will not be published.


*