Sailo le Hniang Hniang Nawl hi i Cawn uh law nan Lar ve viar ko lai – Hla an Sak ttinak ( +Video)

Hlasak thiam tak tak ti mi cu hi hna pahnih bantuk hi an si . hlasak thiam tampi cu hmunhma le sound system that le that lo hna an zoh i mi tlawm tam hna zong ah an buai . a si nain hi a tanglei video kan chiah mi Vanlalsailova le Hniang Sung Chin hlasak nak bantuk inn room fate chung i biatak tein a sa kho mi hi cu uar an um khun . hmunhma le hman rua ah an buai ti lo i an mah aw le thiam nak ah an i zumh lawng si lo in Bawipa thangthat nak a si caah khawika hmun poah ah an tha a tho peng .

Image may contain: 1 person, hat and outdoor

Hlasak Thiam PBK Lian Khum zong mipi nih an uar khun nak cu a hmun hma ah a buai lo i music le sound system ah a buai bal ve lo . a mah kong an chim mi pakhat ah voikhat cu birthday lomhnak ah khual a tlawn nak ah a va kal ve i a va tel pi ve hna ti a si .  cu ka hmun ah cun mipi nih hlasak dingin an rak request i Guiter zong  a um lo tik ah ai thawh i a poi lo ka kut kai bengh lai i ka sak ko lai a ti i , mipi hmai ah cun a dir i a kut ai bengh i hlasak an request mi poah poah fung 7 hrawng a sak piak dih hna ti a si .cu caah cun Pathian nih a hman khun i mipi uar zong a hlawh khun nak a si ve .

Image may contain: 1 person, sitting, screen and indoor

Kan chim duh mi tak tak cu hi hi a si , Laimi zong Singer tampi Pathian nih a kan pek cang . hmunkip ah Crusade le Camping ah kal in Bawipa rian ah kar a hlang cuahmah mi zong an tampi cang . hi lio ah mi then khat singer pawl cu khuate lei deuh music ,keyboard le sound a that lo nak deuh ah cun hlasak zong an tha a tho lo i an tlun hnu zong ah cu khua cu an soisel i zeihmanh an si lo tiah an lung tlin lo nak tampi an langhter tawn ti a si . mi then khat cu soundtrack lo cun hla ka sa kho lo , keyboard lo cun hla ka sa kho lo , Microphone a that lo cun hlasak ka lung a tho lo tiah khual tlawn nak ah hna a hnok mi le buaipi ahau mi tampi singer an um ti a si .

Image may contain: 2 people, people standing, skyscraper and outdoor

zei a si poah ah kan aw hi kan mah aw a si lo Bawipa nih  a mah sunpar nak caah a kan hlanh mi  si ti kha thei in Bawipa caah cun a hmun hma le hma ah buai lo in , music le hman rua ah buai lo in a herh ah cun kut lawng i bengh bu zong in a mah sunpar nak caah cun hla aa sa kho mi Singer si khawh hi Bawipa a lomhter tu thangthat nak a si deuh ko hnga .

Video

 

Be the first to comment

Leave a Reply

Your email address will not be published.


*