Kanmah Laimi ‘Thit-Umh’ Puai ah Cun Hi ‘Pastor’ pa Hi A Mualpho Ning Fakbik Si Men Ko Lai , Monu A Fimtuk Caah A Vantha (+Video)

Thitumh puai hi minung kan chanchung ah cun kan ni sunglawi bik ti usihlaw kan palh tuk lemlo. Ni sunglawi dangdang cu an um ve len nain kan duhdawtmi he kan i thitumhni te hi cu a ho kan ca cio zongah a tha bik le a sunglawi bik in hman khawh cio cu kan duh dih cio ko lai. Kan puai tik ah cun , cuticun kan tuah lai i cucu- kha kha tiah saduhthah ngeih cio a si i puai ni i tlamtlinlo le mualpho cu a hohmanh nih kan duh cio hrim lailo dah.

Tutan i kan rak langhtermi zong hi a mualpho zawngin kan rak langhter duhmi silo in monu uar a um nak le a puitlin nak , nupi tlak taktak a si nak tu kan langhter duhmi a si deuh. Pastor te zong hi puai ah hin an i timhtuah ning in an kal khawhlo caan a tampi kho vemi a si ko. Zeica tiah minung an si ve i minung cu ai palh kho lengmangmi kan si ve hna caah an mawh ve tawnlo.

Tutan zong hi kutsih biakamnak a tuahpi hna lio ah monu tu kha nupi thi tlangvalpa bantuk in biakamnak a tuah ter thluahmah ko . Asinain monu cu ai sum i nilo tein pastor pa ai palhmi tu cu amh tu nih a hman ning tu in a chim piak lehlam . Mipi cu an ni tuk hna nain Monu tu cu confi taktak in amah le mah ai sum kho i uar a um ngai ngai .

Midang te cu si hna sehlaw pastor pa nih ai palh lio ah hin i sum kho lo in heh tiah nih riangmang in bia zong i kam khawh tilo in mualpho tiang phak a fawi te mi a si. Hi video tawite hi online ah an thlah tikah a hmutu mi tampi nih monu hi uar a um tuk tiah an thangthat cio ve. A video hi a tanglei ah kan rak chiah chih i rak bih ve te.

 

Be the first to comment

Leave a Reply

Your email address will not be published.


*