Khuaruah Har Thawngpang – A Ruak an Chiahnak Ruak Kuang An Van Hon i Zeituah Dah Nan i Timh Tiah A Rak Hal Hna

Nai te i a thi tiah an vui mi putar kong ah hin mi tampi ruahnak dang dang a chuak cio i , a thi cang an ti hnu ah a chungle nih ruak vui nak ruak kuang zong an tuaktan dih i a chung ah an khumh cang hnu nazi 8 hnu ah a rak thih taktak lo caah a ruak kuang cu a van kingh i an chuah than i sizung ah an kal pi than mi kong a si .khuaruah har taktak a si ko . Doctor te zong nih hin minung a thi cang tiah an fehter cang mi zong hi a rak thi taktak lo mi a thi ah ruahmi an rak um ve ko ti zong a fian ter nai ngai .

Kum 75 mi Pu Huang Mingquan cu Cancer zawtnak ruang ah can zeimaw zat chung cu sizung ah an thlop i voikhat cu a van i phundang ngai i chawnhkhawh lo in a hung um . a taksa an van check tik ah cun a thi cang tiah ruahcio a si i doctor te zong nih a thi cang tiah an fehter ve cang .Pu Huang hi China ram Sichuan Province ah Yujing khua ah khuasa mi an si i a mah hi ralkap pension a si i mi tuar chel ngai ngai a si .

A thi cang tiah an ruah hnu ah cun a mah vui nak caah ruak kuang an siam i cu ruak kuang chung ah cun an khumh . a ruak kuang cu a rak cawl i thawngpang a van nei i mi vialte a pawngkam um mi zong an lau dih .a ran nak in a ruak kuang cu an van on than i Pu Huang nih cun zeidah tuah nan i timh tiah bia a rak hal hna . a mah ruak vui ah a chuak mi mipi pawl le
a chungkhat a nule fa pawl nih cun khuaruah har tak tak in an um .

Cu ti cun a ran nak in ruak kuang chung cun an chuah zokzok i sizung lei ah an kal pi than i an thlop colh than .nazi 8 chug ah mithi chiah nak ruak kuang chung ah chiah cang ti a si . a si nain arak thi taktak rih lo ti nak a rak si .a thicang tiah thinlung dihlak in a zum i mitthli he a ruak hram ah a thumi a chung le a tule pawl cu zeitluk in dek an hei i lomh ve than hnga . hi bantuk thawngpang hi a um pah lengmang tawn mi a si i tu hi a voikhat nak lawng a si lem lo .

Credit : The Sun

Be the first to comment

Leave a Reply

Your email address will not be published.


*