Aungla Nsang hi Champion taisawm a ngah khawh than nak hnga caah a sikhawh chungin ai zuam ve than i tuhi a thar in a hlawh a hung tling thluahmah ve than cang.Naite zong ah teinak a hmu cang i a kut chungin Ridder nih a chuahmi taisawm cu a kut chung ah a phak khawh than nak ding caan a hung nai thluamah cang tiah amah zong nih amah thazang petu mipi sin ah raltha ngai in a chim phuan ve cang.
Aungla Nsang nih a chim ning ah cun “Champion taisawm cu tukum 2023 chung ah (kum canceo hlan ah ) ka kut chung ah a phan than hrim hrim lai” tiah a chim i mipi ruahnak zong ah a rauh hlan amah taisawm a chut tu Ridder he an i thua than colg cang lai tiah an zumh cio lio a si. Asinain One Championship tuanvo ngeitu lei nih an van tawlrelthan tik ah Ridder he i thua rih lo in midang he tu i thua dingin an van tawlrel hmasa than.
Ara laimi May 5 ah American i an tuah dingmi MMA One Championship Middleweight level ah Aungla Nsang le Fan Rong an i thua than lai tiah February 3 ah One Championship tuanvo ngeitu lei nih cun mipi sin ah official tein thawngthanhnak an tuah ve cang. Tutan Aungla Nsang he ai thua dingmi Fan Rong hi ,tukum kum thok kaate ah khan ai thua ding an rak si nain Fan Rong hi Covid zawtnak a ngeih caah cancel a si than i Aungla Nsang le Brazil pa Gilberto Galvao tu an rak i thuat nak kha a si.
Atu dirhmun ah cun Fan Rong zong tha tein a zawtnak in a hung dam ve than cang i Aungla Nsang he i thua dingin tuanvo ngeitu lei nih an van tawlrel than nak hi a si. Tutan an i thuat tik ah hin Aungla Nsang nih Fan Rong a tei khawh than a si ah cun One Championship Middileweight level ah Champion taisawm ai cuh kho than cang lai tiah thawngthanhnak zong an tuah chih cang.
Leave a Reply