Kawlram ah Nam Saupi I Ken in HNgakchia Ai Zaampi Mipa Cu Palik le Mipi i Bawm In An Tlaih Khawh (+Video)

Kawlram ,Kachin ramkulh Myitkyina khuapi Shwe Nguang Pin sang ah pa pakhat nih cun an sang hngakchia pakhat a tlaih hnu ah nam saupi ai ken i aa tlikpi thluahmah i a hnulei in palik le mipi nih an zulh colh ve .December 16 tuni i thilcang mi a si i a hnu lei in palik le mipi nih tlaih dingin an zulh i an i bawm i a hnu ah an tlaih khawh than .

Palik bawi Kyaw Jiyah nih a chim ning ah cun”Hi pa hi zuri a si i a nupi he bia an i el pah lengmang i a nupi nih palik sin ah a report , cukong cu a theih than tik ah a nupi cung ah a lungtling lo chinchin i an karlak cu a buai chinchin.Zinglei nazi 9 hrawng ah cun a nupi he an i si than i palik nih an ka tlaih cang lai ti ai theih ve caah an inn pawng hngakchia pakhat cu ai cawi zau i nau saupi he a zaampi.

A mah tlaih dingin an dawi a si le ai kalpi mi hngakchia cu ka thah lai a ti hna i a hro hna .Nam saupi he hngakchia ai tlikpi mi pa cu a hnulei in palik 3 nih an dawi ve i lampi aa chokletmi pawl zong nih an dawi colh ve i a hnulei cun an lem pah an hro pah cuti cun ralring tein an zulhdawi peng ve .A donghnak ah pa pakhat ai tuar kho tilo i a ran nak in a zuan hnawh colh i cu bak cun an zapi in an zuan hnawh an tlaih khawh colh .

Mi thenkhat nih kut zong an thlak manh ngai ve .Hngakchia cu an chanh khawh i a taksa an zohfel tik ah zeihmanh hliamhma a um lo ,misualpa cu palik pawl nih an tlaih i thonginn chung ah an khumh colh ve .

 

Be the first to comment

Leave a Reply

Your email address will not be published.


*