Congratulations – Esther Dawt Chin Sung Caah Thawngpang Tha Tak tak , A Fans Pawl Nih Rel Hrimhrim Ding

Myanmar idol ah aa zuam cuamah i Top 8 tiang zong a phan cang mi kan farnu Esther Dawt Chin Sung caah cun hi nak thawngpang tha a um ti lai lo . mi tampi nih thazang an pek i an dirkamh i cu lak ah kawlram chung hmanh ah a min a lang ve mi “Ko Nge” ti mi kawl mirum pa nih a ra lai mi Myanmar Idol Top 6 zuamnak ah Esther Caah Kawlram phaisa in Ting 100 man Vote pek a timh tiah kan theih .

“Ko Nge” ti mi kawl mirum pa hi Yangon le Mandalay ah JY ti mi company a ngeitu a si i a mah kut tang ah minung 180 hrawng riantuan tu a ngeitu CEO a si . Ko Nge ti mi pa nih hin zarh chiar te Esther caah Kawlram phaisa Ting 58 man cu vote a pek peng tiah theih a si fawn .Esther Dawqt Chin Sung hi final a phak ah cun Ting 1400 MMK man bak vote pek a timh tiah theih a si fawn .

A  liam cia mi Top 8 result an phuan nak ah Esther cu Bottom 3 ah an thut ter ruang ah a thin a phang cang i hmaizarh thok in cun a mah sin ah rian a tuan mi Yangon le Mandalay ah a kut tang riantuan mi vialte cu Vote pek ni ah rian dinh ter i Esther caah vote pek dih dingin timhtuah nak zong a ngei tiah theih a si fawn . hmaizarh thok in Esther caah Ting 100 man peng in vote ka pek cang lai tiah a chim fawn .

Image may contain: 1 person, sky, cloud, car, outdoor and nature

Esther Vote pek nak ding caah group a ser i phone ,SMS, Myanmar Idol application , online voting ..etc Myanmar Idol Vote pek khawh nak lam a um mi poah in Esther caah vote pek dingin timhtuah nak zong a ngei fawn .Esther vote pek ruah bak ah MPT,Ooredoo,Mytel Company pawl he zong i peh tlai in contract tiang a tuah dih hna tiah theih a si fawn .

Image may contain: 1 person, motorcycle and outdoor

A hlei in lomh a um khun mi cu Esther Dawt Chin Sung final a phak ah cun kawlram phaisa ting 1400 man vote pek a timh mi hi lomh a um hringhran . Pathian nih lam hruai seh law final a phanh bak ah cun winner si nak lam tampi a um cang ti a fiang .Myanmar Idol hi mirum nih rum chin nak caah vote system in phaisa an kawl nak a si ti cu zapi theih a si bantuk in tu bantuk in mirum pakhat nih kan farnu Esther a dir kamh mi theih tik ah kan lomhpi hringhran .

Image may contain: 2 people, people smiling, people standing

hi ti ning te a si ko ah cun Myanmar Idol Season 4 winner cu Chin mi kan farnu ESTHER caah ruahchan nak sangbik a um cang . a si nain Top 8 in final karlak zuam nak ah palh nak le hla philh nak te hna  , thildang harsat nak , ngandam lo nak te hna zong a um kho mi a si caah hi tluk bawmtu tha a um lem cu kan nih zong kan tikhawh nak lam cio in thlacam nak te he zong rak dirkamh cio hna u sih .

Image may contain: 1 person, standing and outdoor

Myanmar Idol Season 4 zuamnak i Country song in an i zuam nak result an phuan zan ah Aye Mya Phyo,Esther Dawt Chin Sung le Tan Khun Kyaw an pathum in Botton 3 thutnak ah an thut ter hna ruang ah Myanmar G21 Anonymous Hacker Group nih cun November 23 ah statement an chuah i Myanmar Idol tuanvo ngeitu upa hna le nawlngeitu hna cu ralrin nak an pek hna tiah kan theih.

Image may contain: 1 person, sitting

Myanmar Idol zuamnak ah Voting system he pehtlai in felfai tein mipi hmuh theih nak tein an vote pawl langhter a si lo caah i hlen nak a si tiah kan zumh. hi statement kan chuah hnu suimilam 72 chung ah Myanmar Idol tuanvo ngeitu pawl nih a tanglei bantuk in nan tuah nak lai kan in theihter hna .

1.Aliam ciami zarh chung i an i zuam nak i an hmuh mi cio voting result cu fiangfai tein nan langhter lai .

2.Online voting ah mipi thazang pek bik mi minung pathum hna hi zeiruang ah dah Bottom 3 ah nan thut ter hna a ruang nan langhter fawn lai .

3.Myanmar Idol zarhchiar te zuamnak i voting result cu a can he dik tein Live system ah nan telhchih cang lai .

Image may contain: 1 person, standing

Kan in hal mi hna pawl hi mipi zong an lungtlin kan zumh. cu caah a tu kan i hal mi hna pawl hi nan zulh khawh lo a si ah cunkan mah Myanmar G21 Anonymouse Hacker Group pawl nih Myanmar Idol program i Official Website le Facebook Page pawl hi kan in hrawhpiak hna lai tiah kan in theih ter hna tiah Hacker group pawl nih ralrin nak an pek hna .phundang in kan chim duh a si ah cun kan farnu Esther Dawt Chin Sung hi kawlram mipi nih an tanh tuk i thazang an pek ve tuk cang ruang ah bottom 3 ah an thut ter mi hmanh hi mipi thin a khenh tuk manh i a mah ruang ah Myanmar Idol Website tiang hrawh hmanh an ngamh cang ti khawh a si .

Image may contain: 1 person, indoor

Cucaah a topic ah Esther ruang ah Myanmar Idol website a rawk kho kan ti mi khi phundang pi ah rak ruat hlah rak soisel hlah , kan farnu Esther hitluk mipi nih thazang an pek ruang i Myanmar Idol Website tiang hmanh hrawh an ngamh mi hi khatlei cun a sunglawi . a tang rih mi can zong ah mipi nih dirkamh rih u sih voting tampi pe cio rih hna u sih law teinak tiang hmu seh ti cu kan saduhthah nganbik a si .

Be the first to comment

Leave a Reply

Your email address will not be published.


*