Bollywood lemcangthiam muidawh Katrina Kaif cu amah nakin kum 5 hngakchia deuhmi Bollywood lemcangthiam muidawh Vicky Kaushal he tuthla December ah an i um cang lai tiah theih a si.Minthang Bollywood lemcangthiam veve mi hna pahnih an i umhnak ding konglam hi Tulio india ram i a lar bikmi thawngpang a si.
An i thitumhnak dingmi hmun cu Rajasthan ramkulh khualipi Jaipur ah a si lai i mopuai a hmangtu ding pawl i riahnak ah Hotel 45 bak an hlan tiah theih a si.An puai ding hi zeitluk in dah a ropui te lai timi cu rak theih chungcia khawh a si ko.An i umh dingmi ni hi December 9 ah a si lai ti si.
Tuah hin Katrina le a pasal ding Vicky cu an puai tik ding ca i a herhmi vialte buaipi in manh lo ngai in an cawlcangh lio le an buai cuahmah lio pi a si ti theih a si.Hi an puai tik Ni ah mipi umning le cawlcangh ning ding zong hi an suaicia dih ti si.Cupin ah Hohmanh nih hmanthlak khawh a si lai lo i hmanthlak tar in social media ah thlah ti bantuk zong senh an si lai lo.
Mopuai an tuahnak hmun zong social media ah thlah hrimhrim kha an duh lo ti si.Mopuai a hmangtu hna nih puai chung lut hnu ah a lenglei mi pehtleih khawh a si ti lai lo.Media siseh,hmanthlak,video thla mi pawl an fial mi hna dah ti lo a dang nih cun mi zeihmanh nih tuah senh an si lo.Fel fai taktak in mipi ca zongah daan an siam dih ti si.
Leave a Reply