Kan Unau Pawl Ralkap Tih in A rak zaam mi Manipur le Assam Rifle Pawl nih An Thawl Hna Lio Video Lung a fak taktak (Khika Ram ah Khin va Thi Ko Uh Ti Tluk si)+VIDEO

Kan ram buainak ruangah mipi nunnak a him lo caah ramdang ah a zaam mi an tan ngai cang hna. An zam cemnak hmu hna cu Thailand ram le mizoram ah hin a si i India ram i a zam mi lak ah Tamu ram i a zammi le zokhawthar i a zammi an tam khun. Tamu ram i a zam mi pawl cu India ram cozah pi nih bia a chuah i Manipur Cozah pi nih kawlram ralzam pawl a cohlang hna lai lo tiah bia a chuah i kawlram ral zam pawl a rak phan cangmi hna cu kawlram lei ah hramhram in an tlun ter than hna.

Ral zam lakah cun CDM a tuahmi palik ralkap le Cozah rian tuan dangdang zong an um hna i an mah ruangah an nunnak a him lomi an chungkhar hna zong an i tel hna. India ram an phak cang hnu i kawlram i kir ter than an si cu mi cheukhat nih cun an zaangfak tuk hna i zeitin dah khua an va sak te lai tiah lungdong ngaiin a ruat mi zong an um.

Tu bantuk dir hmun lio ah cun kawlram ralzam pawl a cohlang mi cu mizoram lawnglawng hi an si rih. Tutan ah mizo kan unau pawl nih cun Chinmi ralzam pawl cu ruahnak lengin an rak cohlan hna i an rak zohkhenh hna. Cu lawng si loin an caah a herhmi phaisa tiangin an kawl piak hna i India cozah pi bia el bakin an mah nawl bakin Chin ralzam pawl an rak cohlan hna.

Hmailei ah hin zeidah an lawh thai lai le zeitin dah an cawlcanh ning ding hi a si than te lai cu theih khawh a si rih lo. Zei ruangah tiah cun India palai mi cu kawlram ralkap ni puaipi ah ai tel ve i India cozah pi nih hin mipi nak hin ralkap hi a tan pi deuh in a lang. Cu caah cun mizoram ralzaam kan unau caah hin thinphang ngaingai zong a si.Credit : Vapual Auaw

Be the first to comment

Leave a Reply

Your email address will not be published.


*