Kalaymyo Le Hakha Karlak Lampi Taingen Pawng ah Tlang Nganpi A Min , Tih A Nung Taktak Video In Zohkhawh A Si Cang (+Video)

October 26,Zanlei nazi 5:30pm ah Kalay le Hakha karlak Taingen pawng ah tlang a min ruang ah khualtlawng mi vialte a kal lei he a tlung lei he an zate in lam a kham dih hna tiah kan theih .tu bantuk ruah zong sur lo can ah tlang a min mi cu an khuaruah har cio ti a si . zanlei 5:30 hrawng ah tlang a min hi a si i JCB pahnih nih lam cu a ran nak in a remh i a thianh chih ve ko nain zan nazi 11 tiang zong ah khualtlawng mi Motor a kal kho rih hlei lo ti asi .

Zanlei nazi 5:30 hrawng i tlang a min mi cu a thaizing zinglei nazi 7 hrawng lawng ah motor a chuak kho ti a si .a tu a min mi lawng si lo in a cunglei deuh tlang le a pawngkam tlang zong zeitik ah dah a min te lai tiah an zoh cuahmah lio mi a si fawn ti a si . khualtlawng mi caah cun hi ka hmun tlang a min nak hrawng phak ah cun thin i domh bu bak in motor cung ah thu a si tawn i tutan ah a van min law law zong hi a tha ko a ti mi an um . minung cu an i khawng deng hraw lo .

A si nain a tu dirhmun cun a pawngkam tlang le a tu i a min mi a cunglei tlang zong hi zeitik ah dah a min te lai tiah bawh peng a si caah khual tlawng mi ca zong ah thinphang cu a si thiam ko ti ah theih a si .a tu a min nak hrawng hrang hi vawlei a fek lo ngai caah tu bantuk can ruah fa pi in a sur lo can le nikhua a that lio hmanh ah a mah min pi in a min mi a si caah , a pawngkam pawl zong hi zeitik can poah ah a min kho dirhmun ah a dir mi an si caah kalay lei a tlung kal mi khualtlawng pawl le motor pawl cu hi ka hmun an phak ah cun i ralring ngai ngai a hau tiah an chim fawn.

video

 

Be the first to comment

Leave a Reply

Your email address will not be published.


*