India ram i Thil A Cangmi Cu Vawleicung ah A um bal Lo An Ti Cio Thinlung A Faktuk Ee , Delhi Um Mi Chinmi Caah Thlacam Piak A Herhtuk cang Ee

Atulio india ram chung covid a karh ning cu vawlei pumpi theih a si i zarhkhat chung hrawng hi nikhat ah minung ting 3 hrawng peng zawtnak ngei tharmi an hmuh than i a thimi zong an karh chin lengmang ve .

Hmanthlak i kan hmuhmi hi India ram UP i thil cangmi a si i , sizung i a thimi a nupi cu an khualei phurhnak Ambulance a umlo caah thir cycle tein a nupi ruak cu a khin i an khualei ah a tlunpi .Covid in a zawmi an karh tuk cang caah sizung ah umnak le itnak tiang an i ting ti lo i oxygen zong an i ting ti lo . India ram District 11 ah cun mizaw a zualtuk mi zong sizung ah cohlan an si ti ti lo i sizung a rak um ciami tu lawng zohkhenh le thlop an si cang .

India ram khuapi a si mi Delhi zong india ram covid a karh biknak District 11 chung ah ai tel ve i Delhi i aum mi kan Chinmi caah cun thinphan dailo a si cang .Delhi khuachung ah sizung a lawngmi a um tilo i oxygen cawkding zong a um ti lo .Covid zawtnak in a zawmi siseh , zawtnak dang in a zawmi ca zong siseh sizung hrim ah hmunhma a um ti lo i cozah sizung le private sizung ah mizaw an khat dih cang .

Atu dirhmun ah Delhi ah a um mi Chinmi chungin minung 100 hrawng Covid a ngeimi an um cang i cuchung ah a dirhmun a thalo mi thaw pekchom mi zong an um len cang .India rampi boruak cu a chia lei a panh thluahmah i culak ah delhi hi a dirhmun chiapawl a si rih .Zumtu unau pawl Delhi ummi kan Chinmi caah thlacam piak a herh tuk ti thei in umnak hmun cio in Pathian sin ah thlacam piak philh cio lo dingin kan in sawm fawn hna . Credit : Vapual Auaw

Be the first to comment

Leave a Reply

Your email address will not be published.


*