India nih Donald Trump te Nupa a Don ning hna cu a Mak ko , A sunglawi taktak – Trump hi cu Pa men lo a si (Video)

Nizan tihni ah Nikhat ni ah US President Trump cu India ram a phan, India mipi 125,000 leng nih certual khat in an don. Trump cu a nupi Melania, a fanu Ivanka le a vapa Jared Kushner le US cozah rank sang pawl nih an zulh. US President vanlawng Air Force One in Gujarat state khua nganbik Ahmedabad ah an ṭum. India cozah hruaitu Prime Minister Narendra Modi nih a don hna.

Certual khat in Trump dongtu India mipi Airport in US President motor The Beast a kalnak lamthluan kap 2 khat in India mipi thongsawm tampi nih US le India thantar thui in an don. Tutan hi Trump nih US President dirhmun in avoi khatnak bik India a tlawn si.

Motera cricket certual khat in minung 125,000 leng nih an don rih. PM Modi he dongtu mipi sinah lunglawmhnak, US le India hawikomhnak kong bia an chim.

Trump nih, “India cu kan thinlung chungah dong loin a caam zungzal lai,” tiah a chim. “Pathian nih India thluachuah pe ko seh. Pathian nih US thluachuah pe ko seh. Kan in dawt tuk hna,” tiin sau lak bia a chimmi cu a donghter.

Trump cu India luatnak hruaitu pacan Mohandas Gandhi kum 13 chung a rak umnak Sabarmati tiva zongah a va zoh. Angra khua zongah cozah le mipi nih laam dawhdawh he sunglawi taktak in an don. An khua um Taj Mahal zong Trump le a miṭhi nih an zoh. Trump cu tuni telh in ni 3 a caam lai.

India lungdonh sunglawi bik Taj Mahal ah an kal lio India hi US caah a biapi taktakmi chawlehṭi hawi asi. US nih chaw a lehṭimi ram vialte lakah a hlawk bik 8nak a si i 2018 chung US-India chawlehnak in a lutchuakmi tangka hi $142.6 billion asi. Cun, US nih China a rengh khawhnak ding ahcun India he i bawmh hi a biapi taktakmi asi fawn. Trump nih India a tlawnmi nih hin US le India chawlehnak le pehtlaihnak le i bawmhnak a fehter chin lai, tiah zumh asi.

Be the first to comment

Leave a Reply

Your email address will not be published.


*