I RALRING : Phaisa Lem Tamtuk A Chuak , A Lem le A Tak Theihkhawh nak Tha Tein Hmanthlak Rak Zoh Ve

Ramchung buainak cu caantha ah i lak zau in misual ralhrang pawl nih phaisa thonghra ca a lem an siam i online tiangin an zuar i an tlangzarh thluah mah cang tiah theih a si . Hi an chuahmi phaisa lem hi kan kutchung a silole thil cawknak ah an kan tlaih sual a si ah cun Penal code 489 (A,B,C,D) hmang in kum 3 chung thongthlak khawh a si .

Phaisa lem a siamtu zong tleih khawh an si sual ah cun Central Bank of Myanmar Law (2013) poh-mah 106 le 107 hmangin kum 7 chung thong thlak khawh an si fawn .2013 lio zong ah 1000 ca alem a rak chuak i singapore i riantuanmi nu nih kawlram a rak tlun lio ah Bago ah a hman i kum 3 chung thongthlak dingin an tlaih. Kum 2016 zong ah kyat 5000 ca a lem a chuak than i buainak a tongmi mi tampi an rak um than fawn.

Curuangah tutan i tonghra ca a lem a chuak mi zong hi kan i ralrin taktak a hau . Phaisa tom karlak ah an tenh i theihzong a har ngai caah tha tein kan phaisa kan zohfel lengmang a hau cang.Phaisa lem theihkhawh nak ding cu , a lem ah cun cahaang (watermark) a tlawm deuh ti a si . Phaisa taktak a lem silomi ah cun , Ks.10000 ca ah khan 10000 tiah an a sen in an namhnak zawn ah khan na kut in na zuut ah cun a hrap ngai lai i a naal hrim lai lo .

Cun security hrang i a lai i hri an tuah mi zong ah “spw” tiah an tial mi a tungzawng in pakhat , khatlei (a hnulei) ah pakhat an tialmi a um fawn lai .Security hrang i a lai hri an tuahmi na zoh tik ah ahring (green) le sendup (purple) bantuk in a lang lai .Hrikam te i kil 4 ngeimi (square) kha a tleu nak hmun ah a tanglei in na zoh tik ah pangpar lem tang ah kawl ca in 10000 tiin an tialmi na hmuh lai .

Square kam ah 10000 tiin a sen in an tialmi a tanglei a tleunak hmun in na zoh cun CBM ti ah thlaam lang tawk hrawng tein an tialmi na hmuh lai. Hi phaisa lem hi zeitik ah dah an chuah timi cu theih a silo nain , kan hnuzarh thok khan sumdawng pawl sin in hmuh hmasa bik a si i a tu cu mipi sin ah biatak tein a darh cang cah ralrin hrimhrim a hau cang .

Be the first to comment

Leave a Reply

Your email address will not be published.


*