Hotel ah Nungak Pakhat A Itpi i a thin Tawi tuk Ruang ah Thih-daan Tiang Pek A Tong

Hlawh hlang zong nih hin phung le lam hi an rak ngei ve cio ti a si . Patling pakhat nih hlawhhlang nu pakhat cu a hlan i Hotel ah a kal pi i Hotel ah cun a riahpi .zan ah hlawhhlang nu cu a van it pi tik ah a mah duh nak lawngin sautuk in a it pi tik ah hlawhhlang nu nih cun na ka ih pi chung a sau tuk cang a za cang a ti i a sik tik ah cu pa nih cun a thin a hung i ai sum kho lo i nungak nu cu Hotel chung ah cun a thah law law .

Indonesia, West Java i hlawhhlang OS ( riantuan nak min) kum 28 nungak nu cu a mui aa dawh a tungtai a tha i a hlangtu le a dawr tu zong an tam ngai ngai .nikhat cu chun ah tlangval pahnih nih an hlan cang i , zaan lawng can a ngeih tik ah West Java khuami Ridwan Solihin ti mi pa nih cun zan caah a hlan ve i Karawang Hotel ah a hruai .

A itpi hlan ah ‘Obat Kuat’ ti mi pa thazang thawn nak a ei ta . ‘Obat Kuat’ ti mi cu mirang holh cun “Strong Drug” ti a si i cozah nih an khap mi sii a si.Cu ti cun Hotel chung ah cun zan ah an van it ti i pa cu a dih kho ti lo sautuk a it pi cang tik ah hlawh hlang nu cu a thinhung i pa thin hung dingin bia a chim .

Pa cu a thin hung tuk i ai sum kho ti lo i itkhun cung ah cun nungak nu cu a thah law law i a phaisa le a ngeih mi thil vialte a lak i a zam diam . police nih ni 6 chung an kawl i an tleih khawh than . thih hlan lo thong thlak ding , a si lo le thih dan pek ding a si lai tiah theih a si .