Kawlram pumpi lawng hmanh siloin vawleicung ah minthang a simi Myanmar Rocker minthang ‘Lay Phyo’ cu atulio a hman thlak ruang ah social media ah biatak tein a fans pawl an khuaruah a har. Lay Phyo hi kum 56 lawng a si rih nain a hmanthlak ah cun tar tuk in a lang ti a si caah tubantuk in a fans pawl tiang nih mak an ti nak a si .
A hmanthlak zohtik ah a hmai a sawng i a vun zongn hi zawtnak ttihnung tukmi ngei sehlaw a lo. Mithen khat nih cun Lay Phyo hi thin damlo in a cancer i a zual ngai cang tiah an chim. Cutik ah amah a uartu mipi nih lay phyo kong ah an thinlung a nuam lo i an awlok a chong cio.Asinain amah Lay Phyo he ai neihniam mi pakhat sin in a fans pawl caah thawngpang tha ngai ngai a simi pakhat a chim.
Achim mi cu”Lay Phyo kong he pehtlai in thawngpang a kan halmi le amah adawtu nan zapi te cung ah lunglomhnak tampi kan ngei. Lay Phyo hi halem ai bunh rihlo ruang ah a si i , tar tuk in a mui a langhnak a ruang cu thin cancer zong asi lo i damlo nak dang zong zeihmanh a ngei lo . A halem he um peng kha rema ti lo caah ai bunh rihlo i a si.
Cun tulio boruak ah cun a hohmanh thinhun lo awk a tha lo i amah zong a khabe ruh a zun ciami a si caah a muisam hi tar tuk bantuk in a langhnak a si” tiah Lay Phyo kong he pehtlai in a chim. Cuhnu lawng ah cun a fans pawl zong Lay Phyo kong he pehtlai in an siarem kho than.
Leave a Reply