Hi PDF pa hi I Ti Ter Thiamngaimi A Si Ko Hih, A Nungak Nu hi Ka Zangfak Tuk Amah Bantuk A Tuarmi BHi Mi Tampi An Um Ka Zumh

A nungak nu nih a tial bantuk tein kan rak leh colh ko lai . “Keimah a ka hlengtu PDF mi hlenhmang pa kong ka van chim ve ta ko lai.Amah le keimah hi khuakhat kan si i kan hngakchiat tein sianginn kai ti ai kom tukmi kan si.2018 kum ah kan pahnih tein taanghra zong kan awng veve tti.Cu hnu ah cun kan pahnih tein college pakhat ah hmunkhat te ah kan kai tti than.

College kan kai kum (2) hnu ah ruahlo pin ka sin ah a ka duhnak kong a chim i , ka thinlung dihlak bak in nangmah hi kan duh ko ee hawikom bantuk sawhsawh lawng zalo in keimah he zungzal umti ding ah na ka cohlang kho hnga maw” tiah a ka hal i keimah zong nih ka thilung dihlak in ka rak duh ve ziarmi a si tikah lomhnak in ka khat.Asinain nu cu kanmah neih a si bantuk in kan duh veko tiah ka chim duh colh lo i thla 1 tal cu i ruahnak caan ka pe ve ta ko mu tiah ka leh.

A nih hi midang cungah zangfahnak a ngeimi le dawtnak a ngei ngaimi a si i , a ziaza ka theih tukmi mitha tuk a si tikah keizong nih ka duh ve i thlakhat a liam hnu ah cun a phi ka pek ve i biatak tein kan i duh cang.Cuticun February thla 2021 ah ralkap nih rampi uknak a lak tikah kan pahnih tein sianginn kaiti lo in kan i din ve i May 5 ah kan i ton lio ah a chim mi cu , zeipoah a si ah kan ram caah kan i pek ve a hau ko . Kan dawttuk mi an si i kan then siang bak lo.

Cucaah ram caah kei ka kal cang lai i na ka zul kho ve lai maw? ram a that bak in sunglawi taktak in thitumhnak puai kan tuah lai i kan i thi um te lai ” tiah a ka ti i cuticun kan pahnih tein lungrual tein ram caah tiin hmunhim ah kan kal ve i training kan kai colh ve.Cuticun training zong cu kan kai dih cang i kan umnak camp ah cun nikhat ah voikhat te lawng a caan tete lawng ah kan i hmu kho cang. Kan i hmuh caan poah ah hin a ka dawtnak kong le a ka ngaihnak kong lawngte hi a ka chimh ruah peng tawn.

Zeitik hmanh ah ka cungah hin caantha lak ai tim bal lo i thianghlim tein a ka dawt peng.Tuthla 10/September/2022 ah khan raltuk dingin ai thawh ve i a kal lai te ah ” tunu lem te a ka pek ta i , mah hi keimah caan ah na rak i chiah lai i ka rak kir tikah a hmasa bik ah na mui hmuh kan duh i na rak ka don te lai mu ” tiah bia a chim ta i ralram ah cun a ka kaltaak.Asinain tuthla 28/September/2022 ah cun a rak phan than cang timi ka theih i a rannak in ka va tlik tikah cun , a tha a rak baa tuk i si rua daite in a rak it i ka chawnh len zongah ai theihter tilo.

‘Ka dawt ka mui hmuh na duh tuk kha ka rak in don cang i tho law ka chawn ne hme tiah ka ttah bu in ka au len zongah zeihmanh a ka let duh tilo i chawnlo tein a it nak hmun ah cun daite in a it peng ko. Ka celh tilo i ka aw dihlak chuah in ka tah bu in ka dawt ka chawn hme tiah fakpin ka au len zong ah a ka chawn hlei tilo i zeitluk ttah zongah san a tlai tilo i ka tthang kho tilo.Ziah hme teinak kan hmuh in sunglawi tein kan thit lai na ka ti kha na rak ka hlen a si mu tiah zeitluk ka au len zongah ka aw cu a ngai kho tilo i a ka let kho ti hrim lo.

Zeitik hmanh ah nangmah lawng kan kaltak lailo i kan then lailo tiah bia a ka kamhtu nih ziah a ka kal tak ne?a ka let kho tu nan um hnga maw?? NOTE : Hi kon ghi tuthla 28/Sep[tember/2022 ah ram le miphun caah a nunnak a pe tu PDF ralkap pasaltha nih a kaltaak mi a nungak nu nih thinlung kekkuai dih in a tialmi a si. Credit : Ko Nay Win

Be the first to comment

Leave a Reply

Your email address will not be published.


*