Hakha Rungtlang Sakhan Ralbawipa Kuttang Pa Le Driver pa An Zaam i Thinphan nak In An Khat , Pu Ngun Sang Aung Tiang Meithal Ai Tlaih Ve Cang

Chin ramkulh khualipi Hakha Rungtlang i a ummi ralhrang sakhan i Deputy Commander Brigadiar General (North-West Commander) ralbawi Myo Htut Hlaing i kuttang riantuan mi pa le a mawtor mawngtupa cu an zaam tiah CHRO nih thawng thanhnak a tuah .

Hihna pahnih an zaam nak ruang ah hin Rungtlang ralkap pawl cu thinphang taktak in an um i zan an mitkuh hmanh a thaw kho tilo ti a si .An bei adong i tihnak in an khat cang ti a si i hikong hi lenglei ah thang lo dingin an sikhawhchungin thup an i tim ti a si fawn.Culawng siloin ralkap sakhan i a ummi ralkpa nupi pawl tiang meithal an kenter cang hna i Chin ramkulh Chairman Pu Ngun San Aung tiangin meithal an kenter ve cang tiah theih a si .

CDF/CNA nih Lungler sakhan an lak tum zong ah khan anmah bawm dingin ralhrang dang cah dingin hi Deputy Commander nih nawl a chuahmi cu Thantlang um mi SAC ralhrang sakhan uktu pawl nih biapi ah an rak chiahpiak lo.Curuang ah Deputy Commander Myo Htut Hliang nih cun cunglei ah lih le hrokhrol in thawngthanhnak a tuah tiah a zaam mi pahnih nih hin an chim tiah theih a si .

Be the first to comment

Leave a Reply

Your email address will not be published.


*