February 16 Laitlang Thawngpang || Hakha le Timit karlak ah lamchak lei in lung nganpi a rak tla i tih a nung ngai ngai tiah theih a si . Hi lamchaklei in lung a rak tlaknak hmun hi hmunhma chia ngai a si i voidang zong ah lam an zawh pah ah hin lamchak lei zohpah in ralring ngai in an kal tawn nak hmun a si fawn .
Hi hmunhma hi lam a kau tuk lo i lamthlang lei zoh ah cun pe 300-500 tluk hrawng a va sang i tih a nun ngai nak hmun a si . Asinain lamthlang lei cu tha tein tlakrawh in an kham dih i tlak liam sualnak ding cu thinphang a si ti lem lo nain lamchak lei zoh ah cun tihnung tuk a si caah lung a la mi le lam a remh mi an um caan ah cun motor zong an kham ta tawn i lamhla deuh pi in hngah cio a si tawn .
Lamchaklei lung hi lung ngan pipi an um len i ruahlo pi in lam ah an hung ril sual te hnga maw tiah mi choklet zong nih tih cio mi hmunhma a si i , tutan i lung a rak tlak mi zong hi ruah ah thinphang tuk a si .Asinain Pathian ven nak thawngin ai hliam mi le ai khawngmi cu an um hraw lo tiah theih a si .
Lung a tlak lio ah hin khualtlawng mi choklet cu um hna seh law luatnak ding hrim hi a um lo , lung hi a lian tuk i lam a phih dih caah motor le cycle zong an phih dih chung i JCB nih lungpi cu a thial hnu lawng ah lam on than a si . Credit : The Hakha Post
Leave a Reply