Hakha Helicopter Tlaknak Kongah Ralhrang Lei Thawngthanh Nak Cu Nihchuak Taktak Khi A Si Ko

Tuzing March 29,zinglei nazi 9 renglo hrawngah Hakha khua,Cawbuk chaklei ah ralhrang Helicopter a tla i hliamhma tuarmi minung 5 an um ti theih a si.A tlaknak kong he pehtlai in ralhrang thawngthanhtu Zaw Min Tun nih cun” nikhua that lo ruang ah a si.

Thli ahrang tuk i a tumnak ding hmun pawngah a tla.A tlaknak ah cun a mei ai rawk caah minung zong an i hliamnak asi. Mithi mi cu an um lo nain Helicopter mongtu ralkap 2 le sianginn ca chimtu minung pa 3 hliam an tuar.An zapi tein siizungĀ  ah zoh khenh an si” tiah a chim.Ralhrang Helicopter cu a puak hraw lo i a mei,Pangka le a dang ai rawkmi tete cu online chungah an rak chiah.

A tlak lio a hmutu hna nih cun a mei nih farkung pi a pah caah a tlami a si tiah an chim ve.Tang 10 camibuai hrang questions paper a rak phurmi a si tiah an chim i, question paper a phurhmi tu cu zeihmanh ai rawkmi le a tlekmi a um lo ti a si.Kuat an timhnak hmun zong a phan cang tiah ralhrang thawngthanh piak tawntu media pakhat nih cun a rak tar.

Be the first to comment

Leave a Reply

Your email address will not be published.


*