Hakha Ah Pu That Kung Le Evan. Van Ni Cu Hakha Palik Minung (11) nih Zaan Nazi 10:00Pm ah An Va Tlaih Hna

Hakha ,Cawbuk sang ah Crusade a tuahtu Evangelist le inn ngeitu cu atu lio covid-19 phung nan buar an ti hna caah hakha palik nih an tlaih hna tiah kan theih . Hakha leisen Cawbuk sang um mi Pu That Kung inn ah Evangelist Van Ni hruainak in Crusade an tuah i an innpa le pawngkma um mi pawl zong nih an telpi ve hna .

Home crusade a si ko nain an tuituk ve caah an thawngpang zong a thang deuh i , a tulio boruak he cun thinphang deuh a si an ti caah an sang upa lungfim deuh hna le khuabawi zong nih nan crusade hi nan ngolh rih ah a tha ko lai tiah an thloh hna .

An Crusade hi September 20 tiang tuahding in an i timhcia mi le thawngthanh ciami a si nain September 21 zan in an peh than caah Hakha palik minung 11 nih an rak fuh hna i inn ngeitu Pu That Kung cu zan nazi 10 hrawng ah an rak tlaih .Pu That Kung cu a thaizing september 22 ah palik nih an thlah than nain , September 25 ah Hakha palik nih Evan Van Ni he an pahnih in an tlaih than hna i thong ah an khumh hna .

Covid-19 boruak ah mibu he nan cawlcang tiruang ah an tlaih mi hna a si i inn ngeitu Pu That Kung le crusade tuahtu Evan Van Ni cu October 2, ah Hakha biaceihzung nih bia a ceih hna lai tiah Chinjournal nih thawngzamh nak a tuah .

Source : Chinjournal

Be the first to comment

Leave a Reply

Your email address will not be published.


*