GOOD NEWS : Kawl Ralkap Cunglei Vanlawng Ralkap Tuanmi Minung (80) nih Ralkap Sinak An Chuahtaak Ve Cang

Cungsang ralkap si lo le vanlawng chung i ralkap tiah kan uahmi hna kawlram Air force 80 reng lo nih ralkap sinak in an chuak i tu hi khawika dah an um ti hmanh thei loin an zam tiah vanlawng ralkap sinak in ai phuakmi pakhat nih a rak chim. Vanlawng cung ralkap sinak in a zammi hna pawl an riantuannak cu Mandalay Tat Oo Nangsan Myintkyina pathien Mingaladung le Taunggu pawlah an si tiah theih a si.

An relh lomi vanlawng cung ralkap pawl cu CDM tuahmi ti zongah an chia hna lo i hlo dih hna uh tiah an ti men ko hna. An mah ralkap lei nih le an chawnh khawh ti hna lo caah ralkap phung ningin ralkap lakin a zammi an si tiah cazin zongah telh chih an si ve cang tiah DVB nih cun a rak chim. Ralbawi sinak in ai phuakmi Bukyi Aung Zi Zay zong nih CDM a tuahmi zong kan si hlei lo.

Ram a buai tuk ruangah ralkap sinak in kan chuah (zaam)mi a si bik i 80 hrawng cu kan si lai. Ralkap kan si bantuk in ralkap bantukin kan um hau i thildang kong le nawlneihnak kong men i buai peng hi cu kan huam lo bikmi pakhat a si. Politics i an luh lioah khan ka rak duh lo tuk cia cang tiah kawlram news ah a rak chim. Mingaladung i vanlawng cung ralkap a zaam mi pakhat zong nih kei cu ralkap nih nawlngeihnak an rak lak hlan deuh te ah a zaammi ka si.

A ruang cu an um ning le an cawlcangh ning ka rem lo i ka zoh khawh hna lo caah a zaam mi ka si. Kawlram pi phaisa cu dik lo takin an hman i datsi tiangin a fir mi zong an um tiah a chim. Tu ah cun Mig 29 zong a um ti lo i f -7 a chiami te le Y -7 lawng an tang cang. Nichiar te hi a thlithup ten datsi an zuar hi cu a tam tuk lai tiah a chim. Credit :Vapual Auaw

Be the first to comment

Leave a Reply

Your email address will not be published.


*