GOOD NEWS : Hakha i Kahnak Atu Tiang ah Kawl Ralkap Minung (9) An Thi Cang (Last Update )

Chin ramkulh Hakha khuapi ah Chin mipi vengtu ding CDF Hakha le ralkap cu zaan 3 nak an i donak kong CDF Hakha mipi nih theihternak an rak tuah. A zaan 3nak cu May 4 zaan nazi 8 hrawngah do an thok i an i donak cu Hakha khuapi Inwa bank pawng BOC gate pawng ralkap nih umhmun an khuarnak sakhan a si.

An i donak ah cun mipi lei nih ralkap lei pa 1 an thah i hliamhma a tuarmi a thi dengmi pa 1 a um tiah CDF Hakha nih cun mipi sinah theihternak a rak tuah. Inwa bank pawng i an i do hlanah hin CDF Hakha nih cun Hakha le Thantlang kar lak i a kalmi ralkap motor zong kan rak kah tiah mipi theihternak an rak tuah.

Cucu May 4 zaanlei nazi 5 hrawngah khan a rak si. Hi motor an kahmi tuah hin cun a thimi le hliamhma tuarmi an um zat cu kan thei kho rih lo tiah an rak chim. Cu tin CDF Hakha le ralkap cu Hakha khuapi ah zaan 3nak tiang an i do cang i CDF Hakha bia thanh ningah cun ralkap lei hi minung pa 9 an thi cang tiah an chim. May ni 2 zaanah ralkap lei mi 4 an rak thi tiah kan rak thanh cang i cu lawng si loin May Ni 3 zaan zongah ralkap lei mi 4 an thi chap ti zongah theih a si.

May ni 4 zaan zongah ralkap lei mi 1 a thi tiah theih a si. Zaan tim hnu zongah kan i do kho men ti zongah an chim than. May ni 3 zaan zongah voihnih tuan deuh le tlai deuhah tin kan rak i do cang i tuzaan zong cu bantukin tlai hnu pi zaan tim zongah ai do kho thanmi dir hmunah kan dir thiamthiam ti zongah CDF Hakha nih cun mipi sinah an rak chimmi si. Credit :Vapual Auaw

Be the first to comment

Leave a Reply

Your email address will not be published.


*