Falam Khuapi i Mi Damlo , COVID-19 Lunghrinh Mi (3) An Check Hna i An Result A Chuak Cang

Falam sizung pi ah a dam lo mi lak ah minung pahnih cu COVID-19 zawtnak an ngei kho men tiah an lung hrinh hna . cu lawng si lo in minung pakhat zong an lung hrinh mi a um caah Community Base Facility ( Sinaginn) ah a dang tein a khumh ve . cu hna an pathum tein coronavirus hrik an ngei maw ngei lo ti mi check ding ah a herh mi vialte ( an hnar chung i an lak chuah mi Swab- zawtnak rungrul zohfel nak ) an lak i Yangon ah an kuat .

Myanamr ngandamnak zung nih cun Falam in kuat mi minung pathum i an hnarchung in lakchuak mi Swad cu le midang lung hrinh mi minung 185 cu covid-19 zawtnak an ngei maw tiah April 19 zan 8:00 Pm ah an check hna i minung 188 chung ah minung 1 te lawng covid -19 zawtnak a ngei i minung 187 cu an him tiah theih a si . hi a him mi minung 187 chung ah hin Falam mi minung pathum zong cu an i tel ve . Yangon i an result check ding ah hin mizaw an mak takpum cu kal ter an si lo i an hnar chung i Swad -zawtnak rulngrul check nak i an lak mi lawng kuat a si .

Falam mi minung 3 an lunghrinh mi hna taksa chung ah Covid-19 zawtnak a um lo Negative an si ti mi cu Falam Sizung pi i rian a tuan mi Dr.Tluang Cung Thang nih official tein thawngthanh nak a tuah . a tu bantuk in Chin ram chung ah Covid-19 nih a kan phak sual lai tiah thinphang in um cio a si lio ah Lunghrinh mi minung 3 zong covid-19 in an him ti mi thawng theih cu lomh a um tuk hringhran .

 

Be the first to comment

Leave a Reply

Your email address will not be published.


*