Ruahlo piin Falam khuapi chung zong ah chun mui a tlung ve. Hi thil hi tuchun 26,12,2019 ah khan a cang mi khuaruahhar thil a si. Hibantuk thil hi fawi le bai in a tlung lengmang mi thil a si loh ti cu a ho paoh nih kan theih cio lai ti zumhnak a um. Kan nih chan le bang ah hin cun practical in kan hmu tuk cio hna lailoh dah. Kan nu le pa pawl nih an hei hmuh a si hmanh ah tuchan mino thangthar nih cun kan ton tuk mi thil le kan hmuh theng mi thil a si lo men lai ti zumhnak ka ngei.
Falam khuachung i chun mui a tlun hi tuchun suimilam 9:46 in ai thok i 12:56 tiang a si. A muihchung hi Suimilam 3 chung bak a si tinak a si. Tuchun ah hin hmundang kaadang cio zong ah chun mui an tlung cio len hna. India ram chung zong ah chim awk tlak ngaingai in chun mui a rak tlung ve. Kawlram chung hmun cheukhat hna sin zong ah chun mui hi a va tlung ve nain kawlram ah hin cun a dihlak 100% siloin a cheu 50% hrawng lawng in chun mui hi an tlung hna.
Tuchun ah khan Hmundang kaadang zong ah chun mui hi an tlung cio ko nain Malaysia le Singapore i a tlungmi chun mui hi video in an rak record manh caah a lar khun taktak mi chun mui ah ai cang. Cu video cu zoh na duh ve sual ah tiah kan van in share ve i a tang ah hin a um lai, rak zoh ve. 2020 june 12 ni ah chun mui cu voikhat a tlung than lai i cu hnu ah cun kum tam taktak chung chun mui hi a tlung ti lailoh tiin mifim pawl nih an chim. 2020 i a tlung dingmi chun mui cu kawlram ah a si lailoh i ramdang tu ah a si te lai.
Leave a Reply