Facebook Profile Atu le tu Ai Thleng Lengmang Mi Nungak i An Zia le An Thinlung (Pa nih Cun Hrial Phu Bak An rak Si Ko Hih )

Social midea caan kan phan. Hnakchia mino upa in fb kan ngei cio hna.cu fb acc cu kan mah ta a si bantukin duh paohin ca kan post khawh i duh paohin photo kan chiah khawh hna i cucu a sual lo i a thiang dih ko. Profile ah hin mithen khat cu kan mah hmanthlak te kan chia hna i mi thenkhat ve nih cun hmanthlak chia lomi hna kan um ve. Mi cheukhat ve hoi nih cun mah hmanthlak zong a si lomi midang deih hmanthlak si lo ah ai dawh timi uarmi tete zong an chiah ve hoi hna.

Thil pahnih in a chuak i a fawinak cun mah photo tar duhmi le duh lomi tiin. Cucu tu hi kan van zoh tti hna lai. Mah hmanthlak te ai tarmi pawl hi a tam deuh cu mah le mah zumhnak ngeimi an si hna i mah photo chiah duh ve lomi cu mah le mah i zumhnak ngei tuk lomi a ralchia deuhmi kan ti lai cu cubantuk deuh cu a tam u cu an si ko hna tiah Psychology thiam pawl nih an chimmi si.

Cun profile hi a tu le a tu thlen a huam tukmi minung kan um hoi i cu lioah thlen a hmang theng lomi voikhat chiahmi kum saupi hmangmi zong kan um hoi. Profile a tu le tu a thlengmi minung hna le a thleng huam lem lomi minung hna an mizia zeitlukin dah an rak i dan timi kan rak zoh hna lai. Profile thleng cak tukmi hna i an ziaza cu 1.mah thinglung duhzawngin mipi social hmangin lengchuah duh tukmi pawl an si.

2.Mi tampi nih zohcho mi si an duh i midangnak in langhsar deuh a duhmi pawl an si. 3.An thinlung thlen a fawi i thilthar a tu le tu a duh pengmi an si. 4.Dawtnak leiah hin an thinlung ningin an pek i zuuntuar fak deuhmi pawl an si. 5 Chantiluan ningin kal duh pengmi an si i thilthar paoh tuah hmasa le theih hmasa duhmi an si tiah an chimmi si. Cu bantukin profile thlen a huam ve lomi a hmang ve lomi hna i an ziaza cu tihin si ve.

1.Nunnem mi le lungsaumi an si. 2.Dawtnak. zaangfahnak le mizawn ruahnak a ngeimi an si. 3.Duh dawtnak leiah mitluang an si i a nunning cu a tha bikin karhlan duhmi pawl an si. 4.Thil pakhat an tuahah hin an hruhpi hnik i mi ninghngal deuh zong an si ve. 5.Mah duhnak lawng an ruat lo i midang thuk piin theihthiamnak a ngeimi pawl an si. Hi kan tialmi ah hin zei bantuk minung le zei bantuk ziaza dah a ngeimi ka si ti cu nai theih tuk ko lai. A thatnak leiin i lak cio hna sih.

Be the first to comment

Leave a Reply

Your email address will not be published.


*