Europa League Ah Voi (5 )Tiang Champion Trophy A Cawi Tu Arsenal Player “Jose Antonio Reyes “(kum 35 ) A Thi

Arsenal le Real Madrid Club ah a chuih tawn mi Footballer Jose Antonio Reyes (kum 35 ) cu car accident in a nun nak a liam
tiah kan theih . June 1 suimilam 11:40 AM ah khan Spain ram ah car accident in a thi tiah Sevilla FC nih cun an twitter ah ngeihchia ngai ngai in  hi thawngpang hi an tar .

Car accident an ton nak hmun hi Utrera le Seville lam pi ah a si i a mah lawng si lo in car chung ah hin a cousin a si mi
Jonathan Ryes (kum23) zong ai tel i a hmun ah an pahnih tein an nun nak a liam hi a si .

Jose Antonio a nupi cu a nupi Noelia Lopez le a fale pathum Noelia,Triana le Jose Antonio Jr zong chawnh manh lo in tu bantuk in a kal tak hna hi ruah ah vawlei  cung mipi nih an tuarpi cio hna .

Jose Antonio hi Real Madrid ,Athletico Madrid le Arsenal caah a chuih cang i ,Europa League zong voi 5 tiang Champion a lak pi tu hna le Trophy tampi a dong cang tu a si .

Tu bantuk in a thih nak thawng nih hin vawlei cung Football Star vialte le A mah fans pawl siseh Vawlei cung Bolung a uar tu vialte nih ngeihchia in an tuar cio . A kal tak mi a chungkhar Bawipa nih hnem ko hna seh .

Dailymail

Be the first to comment

Leave a Reply

Your email address will not be published.


*