Esther Le Tan Khun Kyaw Ruang ah Myanmar Idol Official Website Le FB page Cu Hacker Pawl Nih An Hack Taktak Cang Hna

Myanmar Idol Season 4 zuamnak i Country song in an i zuam nak result an phuan zan ah Aye Mya Phyo,Esther Dawt Chin Sung le Tan Khun Kyaw an pathum in Botton 3 thutnak ah an thut ter hna ruang ah Myanmar G21 Anonymous Hacker Group nih cun November 23 ah statement an chuah i Myanmar Idol tuanvo ngeitu upa hna le nawlngeitu hna cu ralrin nak an pek hna tiah kan theih .

Myanmar Idol zuamnak ah Voting system he pehtlai in felfai tein mipi hmuh theih nak tein an vote pawl langhter a si lo caah i hlen nak a si tiah kan zumh. hi statement kan chuah hnu suimilam 72 chung ah Myanmar Idol tuanvo ngeitu pawl nih a tanglei bantuk in nan tuah nak lai kan in theihter hna . cu ti ralrin nak an pek mi hna cu Hacker group pawl nih Myanmar Idol tuanvo ngeitu sin ah official tein statement an chuah itheihter nak an tuah hna .

1.Aliam ciami zarh chung i an i zuam nak i an hmuh mi cio voting result cu fiangfai tein nan langhter lai .

2.Online voting ah mipi thazang pek bik mi minung pathum hna hi zeiruang ah dah Bottom 3 ah nan thut ter hna a ruang nan langhter fawn lai .

3.Myanmar Idol zarhchiar te zuamnak i voting result cu a can he dik tein Live system ah nan telhchih cang lai .Kan in hal mi hna pawl hi mipi zong an lungtlin kan zumh. cu caah a tu kan in hal mi hna pawl hi nan zulh khawh lo a si ah cunkan mah Myanmar G21 Anonymouse Hacker Group pawl nih Myanmar Idol program i Official Website le Facebook Page pawl hi kan in hrawhpiak hna lai tiah kan in theih ter hna tiah Hacker group pawl nih ralrin nak an pek hna .

A si nain Myanmar Idol tuanvo ngeitu lei in zeihmanh thawngthanh nak an tuah hna lo caah Hakcer group nih Myanmar idol Application , Official Website le FB Page vialte cu hack hram an thok taktak cang . Hacker  nih ” Myanmar Idol page admin (or) CEO a min taktak cu mah pa hi a si tiah an phuan. CEO & ADMIN cu U Moe Kaung ti zong in auh mi “Mr Rolan” timi pa a si tiah an phuan cang. hi tiang hi kan hack bu zong in mipi lungtling tein an riantuan ning an kal pi lo a si ah cun can tlawmpal kan pek hna lai i an Website le FB page le Myanmar Idol Applicaton tiang in kan hrawh dih cikcek cang lai tiah thawngthanh nak an tuah than .

Be the first to comment

Leave a Reply

Your email address will not be published.


*