Dr.Aung Mint Thang Nih Miphun Zawnruah Nak He A Sunglawi Tuk Mi Sawmnak A Tuah , Free Bak A Si Lai

Dr. Aung Mint Thang nih miphun zawnruah nak le dawtnak te he a ngan dam lo mi caah free tein i zoh khawh nak caah sawm nak a tuah . dam lo a zohtu hna ding mi hna hi Korea lei in a ra mi si lei a thiam bak mi an si . tutan ah hin mizaw dam lo pawl cu free tein an zohkhenh hna lai i sii zong an pek hna lai tiah kan theih . a hnu ah cun yangon lawng ah si lo in laitlang hakha zong ah hi bantuk dam lo zohnak program tuah khawh nak kan i zuam lai an ti fawn . mipi lei zong nih hakha ah pei kan herh tuk cu tiah request nak an tuah len i , tutan cu yangon lawng ah an tuah khawh i , hmailei zong tuah khawh than dingin zumh nak a um .

Image may contain: 1 person, outdoor

 

SAWMNAK

Dear Khrih ah u le nau/ nu le pa hna

Korea, Yoshu i a ummi Wilson Leprosy Center and Rehabilitation Hospital in sibawi thiamsang le a bawmtu minung 27 hna cu kan Baibal siangin dum chungah alaktein mizaw zohnak le thlawpnak an ngeih lai caah siiai lei i thlawp a duhmi pohpoh nan rat khawh cio nak lai Bawi Khrih min in dawtnak he kan in sawm hna.

Abik in an thlawp dingmi zawtnak hna cu:

1. Ringworm (ringvom kan ti rua), thakpherh le vun zawtnak phunphun

2. Nu lei zawtnak phunphun

3. Zunthlum, thikai, tak linh le tlangrai zawtnak phun le tlangrai vialte

4. Hngakchia zawtnak (Hngakchia sibawi a ra)

5. Thi/tha der zawtnak (aherhmi vitamin an peek, si an thlaih lai)

6. Pawpi, ril lei zawtnak

7. Mit zawtnak

8. Thahri, ruh, khawnden hma

Zawtnak dang vialte zong an zoh dih tthiamthiam

Ahmun

Yangon Graduate School of Theology

No. 4/190, Kayah 11 Street, thingkan Kyun Gyi, Pale Myo Tit, Mingalardon, Yangon

Date: September 1 2019 (Sunday)

Phone 09795870015

Acaan Zing 9 in zanlei 4 tiang

Lam hal ding: Aung Myint Thang

Bus. 35, 36, 32, 37, 97, 92 I Bus stop min: Kayah 12 street (Kawl holh in chim ding)

Be the first to comment

Leave a Reply

Your email address will not be published.


*